Kromrivier
From Wikipedia, the free encyclopedia
Die Kromriver is 'n rivier wat in die Oos-Kaap in Suid-Afrika vloei. die rivier en sy sytakke verskaf die meeste water vir huishoudelike en nywerheidsgebruik aan Gqeberha. Dit is die naaste rivier aan hierdie stedelike gebied met voldoende goeie water.
| Kromrivier | |
|---|---|
 | |
| Stroomgebied | Oos-Kaap, Suid-Afrika |
| Oorsprong | Tsitsikammaberge, Oos-Kaap |
| Monding | St. Francisbaai, Indiese Oseaan |
| Lengte | 109 km |
| Oorsprong-hoogte | 800 m |
| Monding-hoogte | 2 m |
| Stroomgebiedopp. | 1 085 km² |
  Kromrivier |
|
| Koördinate: 34°8′37″S 24°50′40″O | |
Die rivier ontspring in die hoë reënvalstreek noord van die Tsitsikammaberge in die oostelike deel van die Langkloof. Die opvanggebied is 1 085 km² groot en die rivier met 'n lengte van 109 km loop oos-suidoos na sy tregtervormige mond ten noorde van Kaap St. Francis en suid van Jeffreysbaai. Die estuarium is by 34°9′S 24°51′O.
Die mond is veral 'n gewilde vakansieoord vir hengelaars. Deur die bou van die Churchilldam en die Impofudam kom oorstromings van landerye en skade aan huise op die oewers nou selde voor.
In 1995 is die skaars varswatervissie bekend as die Kaapse galaxias (Galaxias zebratus) in die rivier aangetref. Tot op daardie tydstip is aanvaar dat die vissies nie verder noord as die Keurboomsrivier voorkom nie.
Sedert ongeveer 1918 was die riviermond die tuiste van 'n kolonie van tot 60 swane (Cygnus olor). Hulle was die enigste uitheemse voëls wat in die destydse Kaapprovinsie deur 'n spesiale proklamasie beskerm is. Hul herkoms is onseker. Moontlik het hulle van 'n skip ontsnap of 'n skeepsramp oorleef. Weens ontwikkeling by die riviermond is daar nou geen swane meer oor nie.
- Green, Lawrence G.: A taste of south-easter. Memories of unusual Cape Town characters, queer shops and shows, old bars, hotels and cafés and the panorama of streets. Kaapstad: Howard Timmins, 1971.
- Palmer, Eve: The plains of Camdeboo. Londen: Collins, 1966.
- Logie, Bartle: Governor's travels. A journey along the Kouga/Tsitsikamma coast. Hunters Retreat: Bluecliff, 1999. ISBN 0-620-24152-7
- krommerivier.wordpress.com
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
