From Wikipedia, the free encyclopedia
Sir Julius Charles Wernher (1850 - 1912) was mynmagnaat en deel van die sogenaamde Randlords. Hy is gebore in Darmstadt, Duitsland. Sy vader was verbonde aan die Groothertog se hof. Hy veg in die Frans-Duitse Oorlog van 1870/1. Hy aanvaar diens by Jules Porgès in Parys, net soos Alfred Beit. In 1871 stuur Porgès hom na Kimberley as 'n verteenwoordiger. Hier word hy verkies tot die mynraad en word 'n ryk en vooraanstaande man. Nadat goud aan die Witwatersrand ontdek is, brei hy sy werk soontoe uit. In 1888 word hy een van die vier oorspronklike Lewenslange Presidente van De Beers Consilidated Mines. Hy vestig hom in Londen as vennoot van Porgès toe dié aftree in 1889. Hy sit sy besigheid voort onder die naam Wernher, Beit & Co. Dit was die grootste mynhuis in die wêreld wat die Rand Mines-groepe en ander belange beheer het. Hy het Suid-Afrika net af en toe besoek en die res van sy lewe in Engeland gewoon. Hy was ook 'n kunsversamelaar. Ten tyde van sy afsterwe het hy 'n boedel van £11,000,000 nagelaat.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.