Die boek Jona sorteer in die Christelike Bybel onder die klein profete. Dit bestaan uit vier kort hoofstukke.
Hoewel daar tot onlangs aanvaar is dat die boek 'n geskiedkundige verhaal is oor die profeet Jona (sy naam beteken "Duif" in Hebreeus), word dit vandag algemeen aanvaar dat die boek eerder tot die genre van 'n gelykenis, kortverhaal of parodie op die profete-amp in Israel gelees moet word.
Die boek handel oor die profeet Jona, seun van Amitai, wat wegvlug voor God, nadat God hom geroep het om sy oordeel oor die groot stad Nineve aan te kondig. Binne 'n driedimensionele wêreld vlug Jona nie net in die teenoorgestelde rigting van Nineve nie, hy vlug af na die stad Joppe en af na die binnekant van 'n skip in die hawe. As God in die hemel woon, is dit menslik die verste punt om van God af weg te kom. Ironies genoeg laat God 'n groot storm oor die see losbars, sodat die matrose op die skip oppad Tarsus toe genoop is om Jona oorboord te gooi. (Intussen bekeer hulle hul tot God.) Jona bevind hom binne die pens van 'n vis, die voertuig wat Jona letterlik tot by die deur van die doderyk bring. Dit is terwyl hy in hierdie penarie is, letterlik die verste van God af, dat hy tot God bid en Hom in die vis se maag ontmoet. Jona staan uit tussen die ander profete van Israel, wat elke keer kla of verskoning maak as God hulle roep, maar uiteindelik sy wil uitvoer.
Wanneer Jona uiteindelik op land uitgespoeg word, neem hy die pad Nineve toe om God se oordeel aan te kondig. Sy poging spreek egter van halfhartigheid. Waar profete soos Moses, Samuel en Jesaja die koning self ingelig het van God se oordeel, stap Jona slegs in die stad in en kondig sy oordeel aan. Verbasend genoeg reageer die koning van Nineve op 'n onverwagse manier. Hy gaan sit in sak en as en proklameer dat mens en dier ook moet rou en hulle voor God moet verootmoedig.
Jona is glad nie beïndruk nie en interpreteer God se genade as boosheid. Terwyl profete wat dikwels onsuksesvol was, smeek dat God hulle sal laat sterf, gaan kla Jona onder 'n plant wat die Here gestuur het. Eerder as Elia se braambos, sit Jona onder die wonderplant. Hy ervaar luuksheid, maar bly mor. Daarop stuur God 'n wurmpie om Jona 'n les te leer. Dit lyk egter nie of Jona sy les leer nie. Hy bly mor. Uiteindelik lyk dit of God hom gaan laat vergaan, terwyl almal om hom gered word.
Eksterne skakels
Wikimedia Commons het meer media in die kategorie Jona.
Wikiwoordeboek het 'n inskrywing vir Jona.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
