JHWH

Die Hebreeuse letterkombinasie יהוה (jod-hé-waw-hé (JHWH, van regs na links gelees) is in die Tanag die Naam van God. Hierdie letterkombinasie word ook wel tetragrammaton (τετραγράμματον) genoem, dis Grieks vir 'vier letters'.

Naam van God in Hebreeus

Naam van God in die Joodse tradisie

Jode sê amper nooit die naam JHWH nie, uit respek vir die heiligheid van God (of omdat die uitspraak onbekend is vir die spreker). Pleks daarvan word die volgende name vir God gehanteer:

• Adonai – my Here; hierdie naam word gehanteer by formele lesings (in gebede ens.)
• Elohiem of in daagliks gebruik Elokiem
• Hakadosj Baroeg Hoe – Die Heilige, Geseënd is Hy (veral by die joods-ortodokse gemeenskap)
• Hasjem – die Naam; mees gebruikte naam in die daaglikse taal
• El(i) – die eers bekende naam
• Adosjem
• Sjaddaj
• JHWH Tsevaot – HERE van die heerskare – HERE van die hemelse magte
• Jah
• Eljon
• Sjalom
• Sjechina
• Ehije Asjer Ehije
• God, net soos andere dit sê. Gelowige Jode skryf die laaste naam meestal sonder 'o' omdat ook hierdie naam (in geskrewe taal), uit respek nie uitgespreek mag word nie. Dis hoekom G-d partykeer met een strepie (of met aanhalingstekens) geskryf word.

Levitikus 24:16 bepaal dat misbruik van God se Naam gestraf moet word met die dood deur steniging. Ook dit kan 'n rede wees hoekom hulle Sy Naam nie uitspreek nie.

Naam van God in die Christelike tradisie

Christene gebruik ander name as Jode, ook al word hiermee dieselfde God bedoel:

• God (algemeen)
• El(i) – die eers bekende naam
• HERE of HEER
• die Ewige
• die Heilige Naam (ook wel: nomen sacrum)
• Adonai – my Here (nie so bekend nie)
• Elohiem (hierdie naam is in die oorspronklike Ou Testament gebruik)
• Aanwesige
• Enige
• Lewende
• Die Naam
• Onnoembare
• Die Almagtige
• Jahweh of Jehovah

Wikimedia Commons bevat media in verband met Tetragrammaton.