Hupsipule
From Wikipedia, the free encyclopedia
From Wikipedia, the free encyclopedia
Hupsipule (Grieks: Ὑψιπύλη) is 'n figuur uit die Griekse mitologie. Sy was die dogter van die koning van Lemnos, Toas, en Murina. Die erkenning tussen ma en seuns is deur die "Goue wingerdstok", 'n geskenk van Dionisos aan sy seun Toas, vergemaklik. Hy het dit vir sy kleinkinders gegee as bewys van hul afkoms op hulle soektog na hulle ma.
Omdat Afrodite van mening was dat haar heiligdomme op Lemnos verwaarloos is, het sy al die vroue van die eiland, met 'n slegte mondreuk gestraf. As gevolg hiervan het hulle mans hulle vermy en hulle eerder met hulle Thraciese slavinne vermaak. Die jaloerse vroue het toe een nag al die manlike inwoners van die eiland doodgemaak. Slegs Toas, wat deur sy dogter Hupsipule weggesteek is, het oorleef. Hupsipule het toe koningin van die eiland geword.
Kort ná die slagting het die Argonoute op pad na Kolchis op die eiland gerus en 'n paar maande by die vroue van die eiland deurgebring. Hul leier, Jason, het Hupsipule swanger gemaak en belowe ewige trou belowe. Hupsipule het die lewe aan die tweeling Euneos en Deipulos geskenk. Jason het hom egter uit die voete gemaak en het sy belofte vergeet.
Toe die vroue van Lemnos ontdek dat Hupsipule haar vader se lewe gered het, het hulle hul koningin en die tweeling van die eiland af verdryf. Hulle is deur seerowers gevange geneem en aan Lukurgos, die koning van Nemea, verkoop. Hupsipule is toe met die opvoeding van die kroonprins Ofeltes (soms ook Archemoros genoem) toevertrou.
Toe die Sewe teen Thebe deur Nemea kom, het Hupsipule hulle 'n fontein gaan wys en die kind Ofeltes sonder toesig gelos. Ofeltes is toe deur 'n slang gebyt en het gesterf. Adrastos het Hupsipule toe teen die wraak van Lukurgos beskerm.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.