Henry Barkly

Sir Henry Barkly (Londen, 24 Februarie 1815 - Londen, 20 Oktober 1898) was goewerneur van verskeie Britse kolonies, waaronder die Kaapkolonie.

Sir Henry Barkly
4de Goewerneur van Brits-Guyana
Ampstermyn 12 Februarie 1849 – 11 Mei 1853
Voorafgegaan deur	Henry Light
Opgevolg deur	Philip Wodehouse
Goewerneur van Jamaika
Ampstermyn 1853 – 1856
Voorafgegaan deur	Charles Edward Grey
Opgevolg deur	Charles Henry Darling
2de Goewerneur van Victoria
Ampstermyn 26 Desember 1856 – 10 September 1863
Voorafgegaan deur	Charles Hotham
Opgevolg deur	Charles Darling
10de Goewerneur van Mauritius
Ampstermyn 21 Augustus 1863 – 3 Junie 1870
Voorafgegaan deur	William Stevenson
Opgevolg deur	Arthur Hamilton-Gordon
14de Goewerneur van die Kaapkolonie
Ampstermyn 31 Desember 1870 – 31 Maart 1877
Voorafgegaan deur	Philip Wodehouse
Opgevolg deur	Henry Bartle Frere
Persoonlike besonderhede
Gebore	24 Februarie 1815 Highbury, Middlesex,, Engeland, Verenigde Koninkryk
Sterf	20 Oktober 1898 Londen, Engeland, Verenigde Koninkryk
Eggenoot/-note	Elizabeth Helen Timins (1840–1857) Anne Maria Pratt (1860–1898)

Barkly se vader was Aeneas Barkly van New Brunswick, Kanada. Van 1845 - '48 dien hy in die Britse Laerhuis as lid vir Leominister en daarna as goewerneur van Brits-Guinee tot 1853, waarna hy 'n soortgelyke pos in Jamaika beklee tot 1856. Aan die ander kant van die wêreld dien daarna tot 1863 as goewerneur van die Australiese kolonie Victoria en net daarna as goewerneur van Mauritius tot 1870.

In daardie jaar verplaas die Britse goewerneur hom na die Kaap waar hy tydens sy sewe opwindende jare die moeilike taak gehad het om die ontdekking van diamante in Griekwaland-Wes te behartig. Hy het onder meer te kampe gehad met 'n opstand van delwers aan die Vaalrivier. In 1871 verklaar hy Griekwaland-Wes tot Britse besitting en daarna dra lord Carnarvon, Britse koloniale sekretaris, dit aan Barkly op om die onwillige inwoners van die twee Suid-Afrikaanse kolonies en twee Boererepublieke te oorreed van die wenslikheid van federasie. Dié voorstel was sy tyd egter ver vooruit.

Hy tree in 1878 af en word daarna 'n direkteur van die Standard Bank. Die dorpe Barkly-Oos en Barkly-Wes, asook die Barklypas is na hom vernoem.

Sien ook

• Lys van kommandeurs en goewerneurs van die Kaapkolonie

Bronne

• Rosenthal, Eric, 1978. Encyclopaedia of Southern Africa. Cape Town and Johannesburg: Juta and Company Limited.