Duitse fisikus From Wikipedia, the free encyclopedia
Georg Simon Ohm (Duits: [ˈɡeːɔʁk ˈʔoːm]; 16 Maart 1787 – 6 Julie 1854) was 'n Duitse fisikus wat die wette vir die vloei van elektriese stroom deur weerstande (resistors) geformuleer het. Aangesien hy 'n hoogleraar in die wiskunde was, is sy werk nie dadelik erken nie en hy moes lank wag voordat sy wette aanvaar is.
| Georg Simon Ohm | |
 | |
| Gebore | 16 Maart 1787 Erlangen, Brandenburg-Bayreuth, Heilige Romeinse Ryk |
|---|---|
| Oorlede | 6 Julie 1854 (op 67) München, Koninkryk Beiere, Duitse Bond |
| Blyplek | Brandenburg-Bayreuth Beiere |
| Nasionaliteit | Duitsland |
| Vakgebied | Fisika (elektrisiteit) |
| Instelling(s) | Universiteit van München |
| Alma mater | Universiteit van Erlangen |
| Doktorale promotor(s) | Karl Christian von Langsdorf |
| Bekend vir | Ohm se wet, Ohm se fasewet, Ohm se akoestiese wet |
| Toekennings | Copley-medalje (1841) |
Ohm het in 1817 'n hoogleraar in die wiskunde geword. Hy het egter 'n lewendige belangstelling in die fisika gehad en hom veral toegespits op elektrisiteit. In 1827 het hy ’n werk, Die galvanische Kette, mathematisch bearbeitet ("Die matematiese ondersoek van die galvaniese stroomkring"), gepubliseer wat 'n groot invloed op die teorie en die toepassings van elektriese stroom uitgeoefen het. Niemand wou hom egter erkenning vir sy werk gee nie, aangesien hy as 'n wiskundige en nie 'n fisikus nie beskou is.
Dit het Ohm so gehinder dat hy uit sy pos by die universiteit bedank en 'n pos by 'n tegniese kollege aanvaar het. In 1841 het die Royal Society of London Ohm se wet amptelik aanvaar en die Copley-medalje aan hom toegeken. Dit het hom opnuut gemotiveer om verdere navorsing in verband met elektrisiteit te doen. Ohm se wet lui dat die stroom wat deur 'n resistor vloei direk eweredig is aan die spanning oor die resistor en omgekeerd eweredig aan die waarde van die resistor:
I = V/R, waar I die stroom in ampére, V die spanning in volt en R die weerstand in ohm is. Dit beteken dat wanneer ’n resistor van 6 ohm (Ω) byvoorbeeld aan 'n spanningsbron van 12 V verbind word, 'n stroom van 2 A deur die resistor sal vloei:
I = = = 2 A
Hieruit kan afgelei word dat hoe hoër die resistor se waarde word, hoe kleiner word die stroom deur die resistor. Die eenheid vir elektriese weerstand, die ohm (Ω), is dan ook na Ohm vernoem, en word vandag algemeen in elektriese werk gebruik. Benewens die Griekse omega, word dit dikwels ook met die simbole R of E aangedui.
Wikimedia Commons het meer media in die kategorie Georg Simon Ohm.Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
