chemiese verbinding From Wikipedia, the free encyclopedia
Foliensuur ook genaamd vitamien B9 of folaat is 'n wateroplosbare vitamien van die vitamien B-kompleks.
Foliensuur se struktuur | |
---|---|
![]() | |
![]() | |
![]() | |
Chemie | |
Chemiese formule | C19H19N7O6 |
Molêre massa | 441,1396 g/mol |
Oplosbaarheid | 85 g/L |
CAS registernommer | 59-30-3 |
Vitamien B9 (foliensuur en folaat) is noodsaaklik vir verskeie funksies van die liggaam. Dit is onontbeerlik tydens vinnige selvorming, soos tydens swangerskap wanneer die embrio vinnig groei. Dit help ook in die vorming van rooibloedselle, sintese van DNS en herstel van RNS van volwassenes en kinders.
Alle lewende organismes benodig foliensuur, maar mense en diere kan dit nie self sintetiseer nie. Dit moet uit hul dieet verkry word, en daarom is dit 'n essensiële nutrient of voedingstof vir hulle.
Die beste bron van folaat in voedsel is groen blaargroente, veral spinasie (die Latynse 'folium' beteken 'blaar'), maar spruitjies, broccoli, kool, aspersies, vrugte (veral sekere sitrusvrugte) en gis bevat ook folaat. Sommige soorte vleis bevat ook heelwat foliensuur, soos lewer en (in 'n mindere mate) niertjies.
Die natuurlike folate, soos dié wat in voedsel voorkom (byvoorbeeld 5-MTHF), is taamlik onstabiel. Dit is gevoelig vir lig, suurstof in die lug en die oesproses. Die verlies tydens die oes, verwerking en voedselvoorbereiding is ook hoog. Binne 'n paar dae tot 'n week na die oes van 'n plant is al die natuurlike folaat reeds geïnaktiveer.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.