Die Floriskraaldam verskaf besproeiingswater aan plase in die Karoo wat altesaam 1 700 ha beslaan.
| Floriskraaldam | |
|---|---|
| Amptelike naam | Floriskraaldam |
| Ligging | naby Laingsburg |
| Provinsie/Land | Wes-Kaap, Suid-Afrika |
| Koördinate | 33°17′30″S 20°59′06″O |
| Dam in | Buffelsrivier |
| Doel | Besproeiing en huishoudelik |
| Eienaar | Departement van Waterwese en Bosbou |
| Soort dam | Kombinasie gravitasie en grondvulling |
| Hoogte van wal | 27 m |
| Lengte van wal | 192 m |
| Reservoir | Floriskraaldam |
| Kapasiteit | 50 334 000 m³ |
| Damoppervlak | 744,7 ha |
Die dam lê suidoos van Laingsburg, noordoos van die Rooinekpas en by die samevloeiing van die Buffelsrivier en die Geelbekrivier. Dit is by die koördinate 33° 17' 30” suid en 20° 59' 6" oos.
Die dam is in 1957 voltooi, het ‘n betonwal van 27 m hoog, ‘n opvanggebied van 2 510 km² en ‘n aanvanklike kapasiteit van meer as 50 miljoen m³. As die dam vol is, beslaan dit ‘n area van 8 km². Onder die dam is 26 keerwalle gebou om water na die landerye te lei. Die maksimum besproeibare gebied is 17 km².
Alhoewel die primêre doel van die dam is om besproeiingswater op te gaar, moet dit ook die periodieke vloedwater beheer om die verspoeling van die landerye teen die rivier te voorkom. In die Laingsburgvloed het die dam ‘n belangrike rol gespeel.
Die water wat die dam binneloop, bevat baie slik. Daarom neem die volume van die dam stadig af. Om dit teen te werk is daar 10 sluise van 3,3 m by 2,9 m elk in die damwal ingebou. In Januarie 2024 was die bakmaat 48,3 miljard liter.
- Die belangrikste waterskemas van ons land. In: Lantern. Tydskrif vir Volksopvoeding. Jaargang 6, nr. 3, Januarie 1957
- Ensiklopedie van die wêreld, deel 4. Stellenbosch: Albertyn-uitgewery, 1993. ISBN 0-949948-10-1
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
