Die Fairbridge-biblioteek van Africana maak deel uit van die Nasionale Biblioteek van Suid-Afrika in Kaapstad. In Fairbridge se boekery is verskeie unieke werke, dit is een van die kosbaarste versamelings in die land en is van groot kultuur-historiese belang.
Charles Aken Fairbridge (Wynberg, 22 Mei 1824 – Seepunt, 4 Julie 1893) was 'n prokureur, kortverhaalskrywer, boekversamelaar en 'n paar termyne parlementslid in die Kaapkolonie. Sy biblioteek bestaan uit 7 250 boeke hoofsaaklik oor Afrika. Na sy dood het sy seun die versameling verkoop aan sir Abe Bailey wat dit in 1925 op sy beurt aan die volk van Suid-Afrika geskenk het. Daarmee saam het Bailey geld verskaf vir die bou van die vleuel aan die biblioteek in Koningin Victoriastraat. 'n Spesiale Fairbridge-kamer is daarin ingerig.
Opvallend aan hierdie versameling is die goeie gehalte drukwerk van baie van die boeke, die aantal boeke afkomstig van klein uitgewerye en veral die mooi bindwerk. Soms is dit in halfleer en dikwels volledig in leer gebind en dan ook gewoonlik in kalfsleer. Dit was meestal die werk van Kaapse boekbinders en veral deur Robert Scott.
Die bekende ds. G.W.A. van der Lingen van die Strooidakkerk in die Paarl se privaatbiblioteek van duisende boeke is na sy dood op 'n openbare veiling aan Fairbridge gekoop.
Fairbridge en John Noble het in 1886 die Catalogue of books relating to South Africa saamgestel.
- Standard Encyclopaedia of Southern Africa, deel 4. Kaapstad: Nasou, 1971. ISBN 0-625-00320-9
- Wagener, F.J.: Africana. In: Lantern. Tydskrif vir Volksopvoeding. Jaargang 6, nr. 4, April 1957
- www.nlsa.ac.za
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
