From Wikipedia, the free encyclopedia
De’Longhi Group is 'n Italiaanse vervaardiger van huishoudelike toestelle. Die onderneming het sy oorsprong in 'n klein werkswinkel wat in 1902 deur die de’Longhi-familie gestig is en hom op die vervaardiging van industriële onderdele toegespits het. Aanvanklik was die maatskappy, wat in 1950 geïnkorporeer is, 'n belangrike vervaardiger van draagbare verwarmers en lugversorgers. Later het dit sy aktiwiteite uitgebrei na byna enige kategorie van huishoudelike toestelle vir die bereiding van koffie, espresso en kos (insluitende gesofistikeerde lugbraaiers wat as Multifry bemark word), asook skoonmaaktoestelle en strykysters.[1] Tans is dit die wêreld se voorste vervaardiger van espressomasjiene (insluitende masjiene vir die Switserse onderneming Nestlé Nespresso S.A.).[2] Sy aandele word sedert 2001 op die Milaanse Effektebeurs se FTSE Italia Mid Cap-indeks genoteer.
.jpg)
| De’Longhi S.p.A. | |
  | |
| Tipe | Società per azioni (SpA) |
|---|---|
| Gestig | 1902 |
| Hoofkantoor | Treviso, Veneto, Italië |
| Sleutelpersone | Giuseppe De’Longhi (voorsitter) Fabio De’Longhi (hoof uitvoerende beampte) |
| Gebied bedien | Wêreldwyd |
| Industrie | Huishoudelike toestelle |
| Produkte | Espresso- en koffiemasjiene, lugversorgers, stofsuiers, voedselverwerkers en ander |
| Inkomste | €2,010.5 miljard (2017) |
| Netto inkomste | €178,3 miljoen (2017) |
| Werknemers | 8 396 (2017) |
| Slagspreuk | Better Everyday |
| Webwerf | delonghigroup.com |
In 2001 het De’Longhi met die oorname van die Britse vervaardiger Kenwood sy posisie in die mark vir voedselverwerkers verstewig. In dieselfde jaar is die Toskaanse onderneming Ariete, 'n bekende Italiaanse vervaardiger van huishoudelike toestelle, by die De’Longhi-groep ingesluit. Die groep het sy belange in die huishoudelike toestellebedryf in 2013 verder uitgebrei deur die regte vir die vervaardiging van huishoudelike produkte onder die Duitse handelsmerk Braun van die Amerikaanse onderneming Procter & Gamble te koop.
Vandag het die De’Longhi Group, wat sy setel in Treviso, Veneto het, belange in 33 lande wat deur dogtermaatskappye waargeneem word, terwyl die groep sy produkte wêreldwyd bemark. Die Suid-Afrikaanse filiaal van De’Longhi het sy hoofkwartier in die Johannesburgse voorstad Constantia Kloof.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
