soorte bees ras From Wikipedia, the free encyclopedia
Die bonsmara is 'n inheemse Suid-Afrikaanse bees wat in die dertigerjare (van die vorige eeu) by die navorsingstasie Mara spesiaal vir die subtropiese Suid-Afrikaanse klimaatstoestande geteel is.
Die Afrikanerbees van Suid-Afrika en die Korthoring en die Hereford van Brittanje is die drie beesrasse wat vir die ontwikkeling van die Bonsmara gebruik is. Die projek vir die teel van die Bonsmara het onder leiding van prof. J.C. Bonsma gestaan, en die ras se naam is uiteindelik aan sy familienaam ontleen.
Afrikanerbeeste is gebruik weens hul goeie vleiseienskappe, uierontwikkeling en gladde vel, en omdat hulle meer as enige ander ras teen die plaaslike siektes bestand is.
Na die aanvanklike kruising tussen bulle van die twee Britse rasse en uitsoek-Afrikanerkoeie is die halfbloed-bulkalwers uitgesoek en is hulle met Afrikanerkoeie gepaar, terwyl die beste halfbloedverse met opreggeteelde Afrikanerbulle gekruis is. Op die manier is daar 'n bees ontwikkel wat driekwart Afrikaner en 'n kwart uitheems was. Die beste bulkalwers uit hierdie kruisings is uitgesoek en die kruising van halfbloed- en driekwartbloeddiere is as die ideale dier beskou. Hierdie bees was drie agstes Korthoring/ Hereford en vyf agstes Afrikaner. Bonsmaras het 'n kenmerkende rooibruin kleur en is sterk in aanvraag weens hul goeie vleiseienskappe.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
