From Wikipedia, the free encyclopedia
Anthony Penderis (gebore in Kaapstad) was die leier van die A Party wat in die 2009-verkiesing deelgeneem het. Sy party kon nie daarin slaag om genoeg stemme vir 'n setel te kry nie. Uit sy huwelik van 22 jaar het hy drie dogters.
Penderis is in Kaapstad gebore en het aan die Universiteite van Stellenbosch, Kaapstad en Unisa gestudeer. In Stellenbosch het hy 'n honneurskursus in siviele ingenieurswese in vyf jaar voltooi. Dit was egter vir hom 'n moeilike tyd aangesien hy vir sy eie studies moes betaal en hy meen dat daar makliker maniere is om deur universiteit te kom.
Na 'n kort loopbaan as siviele ingenieur in 'n privaat praktyk en as 'n lektor by die Kaapse Tegnikon het hy hom tot die joernalistiek gewend vir 'n tydperk van vier jaar. Hy het sy eie kommunikasie-agentskap op die been gebring, waarmee hy vir vyftien jaar besig was met, eers Kaapstad en later Somerset-Wes as sy basis. Sy agentskap het gespesialiseer in openbare verhoudinge en advertensie meestal vir klante uit die landboubedryf, wynbedryf en sport.
Hy woon vir die afgelope ses jaar in Dubai waar hy die stigtersredakteur van verskeie tydskrifte was en het sy loopbaan as Besturende Redakteur vir die tydskrifafdeling van Al Nisr Media, die grootste uitgewersmaatskappy in die Arabiese Golf, afgesluit. Die nege tydskriftitels wat aan hom verslag moes doen het in 2007 'n inkomste van meer as R120 miljoen gegenereer.
Penderis is sy hele lewe al 'n ywerige sportman. Sy avontuurlustige gees het verseker dat hy in verskeie sportsoorte sou uitblink. Hy het aan die Universiteite van Stellenbosch en Kaapstad in karate en kanovaart. Die hoogtepunt van sy sportloopbaan was om gekies te word vir die Suid-Afrikaanse Springbokspan wat sy land tydens 'n internasionale toer van Engeland, Skotland, Ierland en Denemarke verteenwoordig het. Hy bemoei homself deesdae met roei en joga.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.