Voorvoegsel

'n Voorvoegsel of prefiks is in alle nie-isolerende tale 'n affiks wat voor die woordstam geplaas word om dit af te lei of te verbuig, bv. ge- in geskop, her- in herontdek en ver- in verwerk. 'n Agtervoegsel is altyd 'n gebonde morfeem en kan dus nie as 'n selfstandige woord voorkom nie.

By verbindings waarin 'n opeenvolging van vokaalletters verkeerd gelees kan word, word 'n deelteken gebruik vir die skeiding tussen 'n voorvoegsel en 'n stam, of 'n stam en 'n agtervoegsel, en word 'n koppelteken gebruik vir die skeiding tussen stamme. Bv. beëdig, maar studie-eenheid; droë, maar polio-entstof; geëien, maar toe-eien.

'n Deelteken of 'n koppelteken word gebruik in verbindings waar 'n opeenvolging van vokaalletters verkeerd gelees kan word en voorvoegsels van Klassieke herkoms betrokke is. Bv. koöperasie of ko-operasie; mikroörganisme of mikro-organ1isme; sosioëkonomiese of sosio-ekonomiese.

Let wel: In die Afrikaanse woordelys en spelreëls (2017) word slegs die spelling met die deelteken as voorkeurvorm aangebied.

Wanneer 'n (saamgestelde) taalbenaming of 'n byvoeglike naamwoord wat daarvan afgelei is met 'n voorvoegsel verbind, begin die taalbenaming of afleiding met 'n hoofletter na die koppelteken, bv. pro-Russies.

Voorbeelde

Aarts beteken "in die hoogste graad". Hier volg voorbeelde van woorde met "aarts":

• Aartshuigelaar
• Aartskarnallie
• Aartsleuenaar
• Aartsongelukkig
• Aartsvyand

Sien ook

• Agtervoegsel of suffiks

Bronne

Afrikaanse woordelys en spelreëls, 2017.