Vlag van Djiboeti
From Wikipedia, the free encyclopedia
From Wikipedia, the free encyclopedia
Die nasionale vlag van Djiboeti is op 27 Junie 1977 amptelik in gebruik geneem. Die vlag vertoon ’n wit driehoek aan die vlagpaalkant met ’n rooi vyfpuntige ster daarin; die wapperkant is horisontaal in die helfte gedeel met ’n ligblou baan bo en ’n groen baan onder.
 |
|
| Gebruik | Nasionale vlag en vaandel  |
|---|---|
| Verhouding | 4:7 |
| Goedgekeur | 27 Junie 1977 |
| Ontwerp | ’n Wit driehoek aan die vlagpaalkant met ’n rooi ster, twee ewe breë bane in ligblou en groen aan die wapperkant. |
Die ligblou verteenwoordig die Issa-Somaliërs en die groen verteenwoordig die Afar. Wit, groen en ligblou is die kleure van die LPAI. Die rooi ster verteenwoordig die eenheid van die diverse staat. Die vyf punte van die ster verteenwoordig die areas waarin die Somaliërs woon: Brits-Somaliland (Somalië), Italiaans-Somaliland (Somalië), Frans-Somaliland (Djiboeti), die Ogaden (Ethiopië) en die Noordelike Grensdistrik (Kenia). Die kleure verteenwoordig die aarde (groen), die see (blou) en vrede (wit) met die rooi ster wat eenheid voorstel.
Die huidige vlag is ’n aanpassing van die vlag van die Ligue Populaire Africaine pour l’Independence (LPAI) wat Djiboeti tot onafhanklikheid gelei het. Die LPAI-vlag het ’n rooi driehoek met ’n wit ster gehad. Vir die nasionale vlag wat met onafhanklikheid aanvaar is, is die ster in ’n regop posisie geplaas eerder as om dit in ’n skewe posisie te hou en die verhouding van die vlag is ook aangepas.
 |
Wikimedia Commons bevat media in verband met Vlae van Djiboeti. |
| Hierdie artikel is in sy geheel of gedeeltelik vanuit die Engelse Wikipedia vertaal. |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
