'n Uitveër (sinoniem: uitwisser) is 'n rubberagtige hulpmiddel waarmee lyne en teks wat met 'n potlood aangebring is, uitgevee kan word. Dit word veral gebruik om dele uit te wis, of om foute reg te stel. Die uitveër het 'n ligte skuuraksie teen die papier wat die potloodmerke wegskuur sodat regstellings aangebring kan word.
![Thumb](http://upload.wikimedia.org/wikipedia/commons/thumb/f/f5/Pelikan_Radiergummi.jpg/640px-Pelikan_Radiergummi.jpg)
![Thumb](http://upload.wikimedia.org/wikipedia/commons/thumb/3/3a/Gum_met_potlood.jpg/640px-Gum_met_potlood.jpg)
Met die gebruik van 'n uitveër ontstaan korreltjies wat die gebruiker kan wegvee of -blaas. As 'n uitveër baie gebruik word, kan daar grafiet op die uitveër agterbly. In sulke gevalle moet die uitveër eers skoongemaak word, anders sal dit merke op die papier laat. Die maklikste metode is om die uitveër op 'n aparte stukkie papier te vryf totdat dit skoon is.
Uitveërs is in 'n verskeidenheid vorme en kleure beskikbaar. Meeste is vierkantig, reghoekig of rond. Sommige kan ook interessante vorme, soos die van 'n hondjie of karretjie aanneem. Hulle word ook algemeen op die agterkant van potlode aangebring, wat verhoed dat hulle wegraak.
Die Britse chemikus, Joseph Priestley het per ongeluk in 1770 ontdek dat potloodstrepe verwyder kan word deur 'n stukkie rubber daaroor te vryf. Klein stukkies rubber is van daardie oomblik af as uitveërs verkoop.
- Wit uitveërs
- Pienk uitveërs
- Uitveër met 'n omhulsel
![]() |
Wikimedia Commons bevat media in verband met Uitveër. |
![]() |
Sien uitveër in Wiktionary, die vrye woordeboek. |
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.