From Wikipedia, the free encyclopedia
Tytuvėnai Litause Kelmė-distriksmunisipaliteit, sowat 17 kilometer oos van Kelmė en 65 kilometer suid van Šiauliai, met 'n bevolking van sowat 2 700 in 2005. Die stadsnaam is van die Tytuva-rivier afgelei.
is 'n klein stad in dieHierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Kaart | Wapen |
![]() | |
![]() | |
Vlag | |
![]() | |
Land | ![]() |
Administratiewe distrik | Samogitia |
Koördinate | 55°36′N 23°12′O |
Stigting | Omstreeks 1500 |
Stadstatus | 1956 |
Oppervlakte: | |
- Totaal | - vk km |
Hoogte bo seevlak | 145 m |
Bevolking: | |
- Totaal (2005) | 2 775 |
- Bevolkingsdigtheid | -/vk km |
Tydsone | EET (UTC +2) |
- Somertyd | EEST (UTC +3) |
Klimaat | |
- Tipe | Gematig |
- Gemiddelde jaarlikse temperatuur | -°C |
- Gem. temp. Januarie/Julie | - / - °C |
- Gemiddelde jaarlikse neerslae | - mm |
Amptelike Webwerf | tytuvenai.lt |
Die eerste verwysing na Tytuvėnai dateer uit die 14de eeu. Die stad is temidde van 'n bos- en meregebied tussen die Bridvaišis- en Gilius-mere geleë en staan veral vir sy Bernhardyne-klooster en sy Maria-kerk bekend.
Die eerste kerkgebou in Tytuvėnai het in 1555 ontstaan. Die plaaslike klooster is op inisiatief van Andrius Valavičius (Pools: Andrzej Wołłowicz) en sy familie opgerig wat gedurende die Teenreformasie in Litaue weer hul oorspronklike Rooms-Katolieke geloof aangeneem het. Die bouplanne is reeds in 1614 geteken, tog het die boubedrywighede, wat deur die tesourier van die Grootvorstedom Litaue, Jeronimas Valavičius, gefinansieer is, eers ná Andrius Valavičius se afsterwe in 1618 begin. Die klooster se hoofgebou en die Maria-kerk is in 1633 voltooi. Die kloosterhof met sy kruisweg het tussen 1772 en 1780 ontstaan en was 'n gewilde rusplek vir pelgrims. Die gebou in die kloosterhof is van 'n "Heilige Trap" of Scala Sancta volgens die voorbeeld in Rome voorsien.
Die kerkgebou word deur opvallende stylelemente gekenmerk, waaronder 'n Gotiese stergewelf in sy kleurryke binneruimte en Gotiese spitsboogvensters, ofskoon hierdie stylperiode in die meeste Europese gebiede in die 17de eeu reeds verby was. Die altare is in die Rokoko-styl uitgevoer. Die huidige fasade dateer uit die 18de eeu. Deesdae word die kompleks nie meer as klooster gebruik nie. Die kloosterkerk en aangrensende geboue is op 26 Januarie 2012 deur 'n brand beskadig.[1]
Gedurende die Sowjet-besetting was Tytuvėnai 'n sentrum van kommersiële turfontginning sodat die meeste moeraslande in die omgewing vernietig is. Tans is die landskap, wat deel uitmaak van die Gewestelike Tytuvėnai-park, nog nie herstel nie. Nogtans het die toerismebedryf tot 'n belangrike bron van inkomste ontwikkel. Toe pous Johannes Paulus II in 1993 'n besoek aan die nabygeleë Šiluva gebring het, is 'n helikopter-landingsplek in Tytuvėnai gebou en die pad tussen die twee nedersettings geasfalteer.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.