From Wikipedia, the free encyclopedia
Toekans (familie Ramphastidae) is boomlewende voëls met uitsonderlik groot, helderkleurige snawels. Hulle kom net in Sentraal- en Suid-Amerika voor. Vanweë hul groot snawels, word toekans dikwels met neushoringvoëls (familie Bucerotidae) verwar.
| Toekan | |
|---|---|
 | |
| Ramphastos tucanus | |
| Wetenskaplike klassifikasie | |
| Koninkryk: | |
| Filum: | |
| Klas: | |
| Orde: | |
| Familie: | Ramphastidae Vigors, 1825 |
| Genus | |
| |
Die ooreenkoms kan waarskynlik toegeskryf word aan die eenderse leefwyses van die voëls: albei bewoon tropiese reënwoude en eet hoofsaaklik vrugte. Die snawels is uiters geskik om vrugte mee te pluk of om klein reptiele, voëls en insekte te vang. Die helder kleur van die snawels dien waarskynlik om vyande af te skrik en speel ook 'n rol by die voëls se pronkgedrag. Daar is 37 spesies toekans wat in vyf genera ingedeel word. Oor die algemeen is hulle kort, stewig geboude voëls met sterk pote wat goed aangepas is om in bome rond te klouter.
Van die vier tone is twee na vore en twee na agter gerig. Die sterte is lank en word oor die rug gevou wanneer die voëls slaap. Toekans bou hul neste in gate in boomstamme. Die wyfie broei haar eiers alleen uit, maar die mannetjie help met die versorging van die kleintjies, wat baie stadig ontwikkel. Hulle oë gaan eers na twee tot drie weke oop en hulle kry ook dan eers donsvere. Hul pote het dik eeltkussinkies om dit teen die growwe bodem van die nes te beskerm.
Wikimedia Commons het meer media in die kategorie Toekan.
Wikispecies het meer inligting verwant aan ToekanSeamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
