Tigray-provinsie

Tigray was ’n provinsie van die Ethiopiese Ryk en van die Demokratiese Volksrepubliek van Ethiopië tot 1995. Dit was bekend onder die Franse spelling Tigré tot in die 20ste eeu en sy goewerneurs was magtige heersers uit eie reg wat soms die status van ’n afsonderlike koninkryk geniet het. Tigray het algaande aangrensende provinsies geabsorbeer, onder meer Semien, Tembien, Agame en Enderta. Ná die aanvaarding van die 1995-Grondwet, het dit die Tigray-streek geword.

Vlag van die Tigray-provinsie

Ligging van die Tigray-provinsie in die noorde van Ethiopië

Die Ethiopiese Ryk het die Koninkryk van Italië oortuigend op 1 Maart 1896 verslaan tydens die Slag van Adwa in die Tigray-provinsie. Dit was die hoogtepunt van die Eerste Italiaans-Ethiopiese Oorlog waarmee Ethiopië sy soewereiniteit verseker het.

Galery

• 
  Die Abreha Atsbeha-rotskerk in Tigray.
• 
  Die ingang na die Abreha-rotskerk in Tigray.
• 
  Die slagveld van Adwa.