Solomon Juneau

Solomon Laurent Juneau, soms ook Laurent-Salomon Juneau, (9 Augustus 1793 - 14 November 1856) was 'n Kanadees-gebore Amerikaanse pelshandelaar, spekulant en politikus, wat 'n belangrike rol by die stigting van die stad Milwaukee (Wisconsin) gespeel het. Juneau was 'n boorling van Repentigny (Québec).

Solomon Laurent Juneau
Standbeeld van Solomon Juneau in Juneau Park, Milwaukee
Gebore	9 Augustus 1793 Repentigny, Quebec
Sterf	14 November 1856 Keshena, Wisconsin
Nasionaliteit	Kanada
Beroep	pelshandelaar, spekulant en politikus
Bekend vir	Mede-stigter van Milwaukee
Titel	1ste Burgemeester van Milwaukee
Termyn	1846-1847
Voorganger	Amp geskep
Opvolger	Horatio N. Wells
Eggenoot	Josette
Ouer(s)	François en Thérèse Galerneau Juneau

Juneau het hom in 1818 in 'n gebied oos van die Milwaukeerivier gevestig, wat destyds Juneautown genoem is. Die nedersetting het later met George H. Walker se Walker's Point en Byron Kilbourn se Kilbourntown verenig en is as die Stad Milwaukee geïnkorporeer. In 1837 het hy die dagblad Milwaukee Sentinel gestig, die oudste sakeonderneming in Wisconsin wat nog steeds bestaan. Juneau het tussen 1846 en 1847 as Milwaukee se eerste burgemeester en ook as sy eerste posmeester gedien.

Solomon Juneau het in 1820 met Josette Vieau getrou. Sy was die dogter van Jacques Vieau, 'n pelshandelaar, wat jare tevore 'n handelspos bo-oor die Menomonee-riviervallei gestig had. Juneau is op die Calvary Cemetery-begraafplaas in Milwaukee ter ruste gelê.

Eksterne skakels

• Biografie by die Dictionary of Canadian Biography Online
• Wisconsin Historical Society
• Josette en Solomon Juneau Geargiveer 6 Februarie 2007 op Wayback Machine

Voorafgegaan deur —	Burgemeester van Milwaukee 1846-1847	Opgevolg deur Horatio N. Wells