Sleurverminderingstelsel

Die sleurverminderingstelsel, algemeen bekend as "drag reduction system" (DRS), is 'n motorsporttegnologie gerig op die vermindering van die afwaartse druk op 'n renmotor om verbysteek te bevorder in Formule Een. DRS is ingestel tydens die 2011 Formule Een-seisoen, en is 'n beweegbare stuk van die agtervlerk wat oop- en toegemaak kan word op die bestuurder se bevel.

Die agtervlerk van 'n Red Bull Racing-Renault renmotor.

Bo: DRS geaktiveer.
Onder: DRS nie geaktiveer nie.

Deur die oopmaak van die agtervlerk verminder die afwaartse krag wat die agtervlerk genereer, die resultaat is 'n hoër topsnelheid van die renmotor. Dié hoër topsnelheid bevorder verbysteek in Formule 1, iets wat bydra tot die skouspel van die sport.

Vir die gebruik van die sisteem moet daar aan 'n paar voorwaardes voldoen word. Só moet die agterste motor in die wedren binne slegs 'n sekonde van sy voorganger wees wanneer albei oor die meetpunt gaan. DRS kan ook slegs gebruik word op voorafbepaalde dele van die baan, soos deur die FIA bepaal. Dit mag ook eers ná die eerste twee openingsrondtes gebruik word.

Werking

Die agtervlerk van 'n renmotor bestaan uit twee onderdele; die vlerk en 'n flap wat bo dit sit. DRS maak dit moontlik om dié flap 50 mm omhoog te draai. Die oopmaak van die vlerk sorg vir 'n verandering in die lugstroom. Die lugstroom wat eers deur die vlerk weggestoot moes word, gaan nou direk deur die vlerk. Dié verandering van die lugstroom het 'n laer lugweerstand tot gevolg, wat op sigself weer sorg vir 'n hoër topsnelheid en verbeterde versnelling.

Na verwagting sou die sleurverminderingstelsel ongeveer 10 tot 12 km/h meer in snelheid oplewer. Dit is wel verskillend vir elke baan, en in 'n mindere mate ook verskillend per renmotor. So is DRS minder effektief by renbane met min lang reguitstukke, en dikwels ook by bane waar nie baie afwaartse krag gebruik word nie (byvoorbeeld by Monza).

Hierdie artikel is in sy geheel of gedeeltelik vanuit die Nederlandse Wikipedia vertaal.