Sigbare spektrum
From Wikipedia, the free encyclopedia
From Wikipedia, the free encyclopedia
Die sigbare spektrum is die deel van die elektromagnetiese spektrum wat met die menslike oog gesien kan word. Dit word ook sigbare lig of eenvoudige lig genoem. ’n Tipiese menslike oog sal golflengtes van sowat 390 tot 750 nm sien.[1] In terme van frekwensie, is dit ’n band van sowat 400–790 THz. Die spektrum bevat egter nie al die kleure wat die oog kan sien nie; kleure soos pienk, pers en magenta is byvoorbeeld afwesig omdat hulle bestaan uit ’n vermenging van verskeie golflengtes.
Baie spesies kan lig buite die "sigbare spektrum" sien soos bepaal deur die menslike oog. Bye en baie ander insekte kan ultravioletlig sien, en dit help hulle om nektar in blomme te vind. Plantspesies wat op kruisbestuiwing staatmaak, se sukses om voort te plant hang af van hul voorkoms in ultravioletlig eerder as hoe kleurryk hulle vir die menslike oog lyk.
Die kleure in dié diagram is by benadering. Die spektrum is aaneenlopend, met geen duidelike grense tussen die verskillende kleure nie.
 | ||
|---|---|---|
| Kleur | Frekwensie | Golflengte |
| violet | 668–789 THz | 380–450 nm |
| blou | 606–668 THz | 450–495 nm |
| groen | 526–606 THz | 495–570 nm |
| geel | 508–526 THz | 570–590 nm |
| oranje | 484–508 THz | 590–620 nm |
| rooi | 400–484 THz | 620–750 nm |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
