Seweweekspoort
From Wikipedia, the free encyclopedia
From Wikipedia, the free encyclopedia
Seweweekspoort lê op die R323-streeksroete, ’n verbindingspad tussen die N1 by Laingsburg in die Groot Karoo en die R62-provinsiale roete naby Calitzdorp en Ladismith in die Klein Karoo. Die pad gaan by die voormalige sendingstasie Amaliënstein noordwaarts deur ’n poort van 17 km wat deur die Seweweekspoortrivier (ook Huisrivier genoem) in die Klein Swartberge gevorm is. Op 1 018 m bereik die poort sy hoogste punt. Die maksimumhelling is 1:14.
Seweweekspoort | |
Koördinate: 33.41°S 21.41°O | |
---|---|
Ligging | Tussen Laingsburg en Calitzdorp |
Maksimumhelling | 1:14 |
Hoogte | 1 018 m |
Lengte | 17 km |
Oppervlak | gruis |
Begin in | 1850’s |
Voltooi in | 1862 |
Pad | R323, verbind N1 met R62 |
Die pad kruis die loop van hierdie westelike tak van die Gamkarivier 30 maal. Daarom is die poort tydens en na reën dikwels onbegaanbaar. Toerisme vorm die grootste verkeer op die roete weens die besondere ongerepte natuurskoon.
Verskeie teorieë bestaan oor die oorsprong van die naam vir die poort. Die aanneemlikste is dat dit vernoem is na eerw. Louis Zerwick van die Berlynse Sendinggenootskap en waarskynlik werksaam was by Amaliënstein en Zoar. In die volksmond het Zerwickspoort deur die jare heen Seweweekspoort geword, want die bevolking het die seweweeksvaring geken.
In die 1850's is daar met behulp van gevangene-arbeid begin om die pad langs die rivierloop te bou. Na weinig vordering is die taak in 1860 aan A.G. de Smidt, swaer van Thomas Bain opgedra. Die pad is in November 1862 voltooi en is steeds in gebruik.
Seweweekspoortpiek (2325 m), 24 km van Ladismith, is die hoogste piek in die Wes-Kaap.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.