![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/c/c0/San_Gabriel_Mountains_from_eastern_Pasadena.jpg/640px-San_Gabriel_Mountains_from_eastern_Pasadena.jpg&w=640&q=50)
San Gabriel Valley
From Wikipedia, the free encyclopedia
San Gabriel Valley is een van die belangrikste valleie in die suide van die Amerikaanse deelstaat Kalifornië. Dit is oos van Los Angeles, noord van die Puente Hills, suid van die San Gabriel Mountains, en wes van die Inland Empire geleë. Sy naam is van die San Gabriel-rivier afgelei wat in suidelike rigting deur die sentrale deel van die vallei vloei.
![Thumb image](http://upload.wikimedia.org/wikipedia/commons/thumb/c/c0/San_Gabriel_Mountains_from_eastern_Pasadena.jpg/640px-San_Gabriel_Mountains_from_eastern_Pasadena.jpg)
Die rivier is op sy beurt na die Spaanse San Gabriel Arcángel-sendingstasie vernoem wat in 1771 as die vierde van sy soort in Kalifornië in die Whittier Narrows gestig is en danksy wynbou, graanboerdery en veeteelt tot die welvarendste sou ontwikkel. Die vallei het oorspronklik 'n agrariese karakter gehad, maar is deesdae byna volledig verstedelik en maak deel uit van die metropolitaanse gebied van Groter Los Angeles. Sy etniese samestelling is een van die mees diverse in die land.
Met 'n totale oppervlakte van 520 km² behels die San Gabriel Valley 31 stedelike en vyf nie-geïnkorporeerde nedersettings. Pasadena was in 1886 die eerste nedersetting in Los Angeles County wat geïnkorporeer is.