From Wikipedia, the free encyclopedia
Samland (Russies: Самбия, Litaus: Sémba, Pools/Latyn: Sambia) is 'n skiereiland in die Oossee. Die naam Samland is afgelei van die Oud-Pruisiese woord zemmē "aarde". Die inheemse bevolking het na hulself as Semba verwys, 'n term wat ook in die Oud-Nordiese taal van Denemarke as Sembe gebruiklik was.
Samland word in die weste deur die Oossee, in die noorde deur die Koerse Haf en in die suide deur die Weichsel-strandmeer en die Pregel-rivier begrens. In die ooste vorm die Deime-rivier, wat vanuit Gwardeisk (Duits Tapiau) na Polessk (Labiau) vloei en vier kilometer verder in die Koerse Haf uitmond, 'n natuurlike grens.
Die beduidendste stedelike nedersetting in hierdie landskap was Königsberg (tans Kaliningrad), streng gesproke die stadsdeel noord van die Pregel. As deel van die historiese Duitse provinsie Pruise het Samland 1945 onder Sowjet-administrasie gekom en maak tans deel uit van die Russiese Oblast Kaliningrad.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.