From Wikipedia, the free encyclopedia
Die Prinse-eilande (Turks: Prens Adaları) is nege eilande aan die kus van Istanboel, Turkye, in die See van Marmara.
Prinse-eilande Prens Adaları (Adalar) | |
---|---|
Distrik | |
![]() | |
Koördinate: 40°52′N 29°6′O | |
Land | ![]() |
Administratiewe gewes | Marmara |
Provinsie | Istanboel |
Regering | |
• Burgemeester | Atilla Aytaç (CHP) |
• Goewerneur | Mevlüt Kurban |
Oppervlak | |
• Totaal | 15,85 km2 (6,12 vk. myl) |
Bevolking | |
• Totaal | 14 552 |
• Digtheid | 920/km2 (2 400/vk. myl) |
Tydsone | UTC+2 (OET) |
• Somertyd | UTC+3 (OEST) |
Skakelkodes | 0-216 |
Webwerf | antakya.bel.tr adalar.gov.tr |
Die Turkse naam is Prens Adaları (Prinseilande), of meer dikwels Kızıl Adalar (Rooi Eilande) of net Adalar, soos wat hulle amptelik genoem word. Die antieke Griekse naam is Πριγκήπων νήσοι (Prinkēpōn nēsoi) en die moderne Griekse naam τα Πριγκηπόνησα (ta Prinkiponisa) of Πριγκηπονήσια (Prinkiponisia).
Die grootste vier eilande van die groep is Büyükada ("Groot Eiland") van 5,46 km2, Heybeliada ("Saalsak-eiland") van 2,4 km2, Burgazada van 1,5 km2 en Kınalıada ("Henna-eiland") van 1,3 km2.
Die vyf kleineres is Sedef Adası ("Perlemoen-eiland) van 0,157 km2, Yassıada ("Plat Eiland") van 0,05 km2, Sivriada ("Skerp Eiland") van 0,05 km2, Kaşık Adası ("Lepel-eiland") van 0,006 km2 en Tavşanadası ("Haaseiland") van 0,004 km2.
Die eilande is een van die distrikte van die Istanboel-provinsie.
In die somer is die Prinse-eilande gewilde bestemmings vir ’n daguitstappie van Istanboel af. Aangesien daar geen voertuie toegelaat word nie, net perdekarre, is dit baie vreedsaam in vergelyking met die stadsgebied.
Dit is net ’n kort veerbootrit van beide die Asiatiese en die Europese kant van Istanboel. Die meeste veerbote doen die vier grootste eilande aan. In die lente en herfs is die eilande stiller, alhoewel die see dan rof kan wees, nes in die winter. Die eilande is soms afgesny van die buitewêreld wanneer die veerbootdienste opgeskort word weens die onstuimige water. In die winter is die eilande dikwels amper verlate weens die koue, sterk winde en die gevolglike kansellasie van veerbootritte.
In die Bisantynse tydperk is prinse en ander koninklikes na die eilande verban, en later ook lede van Ottomaanse keiserlike families, vandaar die huidige naam. In die 19de eeu het die eilande ’n gewilde oord vir die stad se rykes geword en Victoriaanse huise kan steeds op die grootste eilande gesien word.
Die Prinse-eilande het al hoe meer etnies Turks geraak namate ryk Turkse stralerjakkeraars dit ontdek het. Die Griekse, Armeense en Joodse gemeenskappe maak egter nog ’n baie klein deel van die bevolking uit.
![]() |
Wikimedia Commons bevat media in verband met Prinse-eilande. |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.