Pionierorganisation Ernst Thälmann
From Wikipedia, the free encyclopedia
Die Pionierorganisation Ernst Thälmann was in die Duitse Demokratiese Republiek (DDR) die politieke massa-organisasie vir kinders tussen die ouderdomme van ses en veertien jaar. Sedert die 1960's en 1970's was byna alle leerders in grade 1 tot 7 lede van dié organisasie - as Junge Pioniere (ouderdomme 6-10) en Thälmann-Pioniere (ouderdomme 9/10-13/14).
Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
![](http://upload.wikimedia.org/wikipedia/commons/thumb/0/0d/Pionierorganisation_Ernst_Thaelmann-Emblem2.svg/640px-Pionierorganisation_Ernst_Thaelmann-Emblem2.svg.png)
Die Pionierorganisation, wat op 13 Desember 1948 gestig en in Augustus 1990, kort voor die Duitse hereniging, ontbind is, was volgens die Sowjet-voorbeeld georganiseer en het deel uitgemaak van die kommunistiese jeugorganisasie Freie Deutsche Jugend (FDJ). Sy naam is afgelei van die Hamburgse hawearbeider Ernst Thälmann (1886-1944) wat tussen 1925 en 1933 as leier van die Moskou-georiënteerde Kommunistiese Party van Duitsland (KPD) gefungeer het en in 1944 deur die Nazi's vermoor is. Die stigtingsdag van die Pionierorganisation, 13 Desember, is in die DDR jaarliks as Pioniergeburtstag gevier.
Die Pionierorganisation het in verskeie opsigte op die Boy Scouts ("Padvinders")-beweging gebaseer, maar was veral daarop gemik om leerders volgens die sosialistiese ideologie groot te maak en hulle vir lidmaatskap in die FDJ voor te berei. Kinders wat hul namiddae by die organisasie deurgebring het, is aan 'n mengsel van avonture, buitelewe en sosialistiese onderwys blootgesteel en het daarnaas geleer om rewolusionêre tradisies te bewaar. Pioniere het gewoonlik net soos padvinders of lede van die Duitse Wandervogel-beweging hul somervakansies in jeugkampe gespandeer. Internasionale jeugkampe is georganiseer om vriendskapsbande tussen verskillende nasionaliteite te smee.
![]() |
Wikimedia Commons bevat media in verband met Pionierorganisation Ernst Thälmann. |
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.