From Wikipedia, the free encyclopedia
'n Passasiersvliegtuig is gewoonlik 'n groot vliegtuig, wat gebruik word vir die vervoer van passasiers, hul bagasie, en in 'n mindere mate, vrag. Sulke vliegtuie word dikwels deur internasionale lugrederye bedryf, wat op die besige roetes groot kompetisie onder mekaar ervaar. Hoewel die definisie van 'n passasiersvliegtuig kan wissel van land tot land, word so 'n vliegtuig gewoonlik gedefinieer as 'n vliegtuig wat bedoel is vir die vervoer van verskeie passasiers in kommersiële diens.
Die grootste vliegtuie is wyerompstralers. Hierdie vliegtuie het meestal twee afsonderlike gange, wat van die voorkant na die agterkant van die passasierkajuit loop. Hierdie vliegtuie word gewoonlik gebruik vir langafstandvlugte tussen lugrederyspille en groot stede, selfs interkontinentaal, met baie passasiers.
'n Kleiner, meer algemeen klas van vliegtuig is die smalromp of enkelgangvliegtuig. Hierdie kleiner vliegtuie word oor die algemeen gebruik vir mediumafstandvlugte en huisves effens minder passasiers as hul wyeromp-eweknieë.
Streekslugdienste bied tipies sitplek vir minder as 100 passasiers en tuie kan aangedryf word deur turbowaaiers of turboprops. Hierdie vliegtuie is die nie-hoofstroom eweknieë van die groter vliegtuie wat deur die groot rederye gebruik word om die passasiersvolume na die groot rederyspille te voed. Die ligste kortafstand plaaslike voedervliegtuie wat 19 of minder passasiersitplekke het, word pendelvliegtuie en lugtaxi's genoem, afhangende van hul grootte, enjins, hoe hulle diens bemark word, die streek in die wêreld, en sitplekkonfigurasies. Die Beechcraft 1900 het byvoorbeeld net 19 sitplekke.
'n Groot lugredery, bv. Lufthansa, besit gewoonlik sy eie vloot passasiersvliegtuie, maar mag ook weens 'n tydelike behoefte of finansiële oorwegings stralers huur van bv. ILFC (International Lease Finance Corporation).
Dit is noodsaaklik (en deur wetgewing vereis) dat alle passasiersvliegtuie gereeld geïnspekteer en onderhou word volgens die vervaardiger se instruksies. Daarom is daar op elke internasionale lughawe 'n tegniese dienssentrum wat in hulle werkswinkels na die meeste soorte vliegtuie wat daar aandoen kan omsien.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.