Noupoort
From Wikipedia, the free encyclopedia
Noupoort is 'n plattelandse dorp en was eens 'n belangrike spoorwegsentrum in die suidooste van die Noord-Kaap in Suid-Afrika. Die N9 nasionale pad gaan langs die dorp verby.
Noupoort | |
|---|---|
 Uitsig oor Noupoort | |
  Noupoort Noupoort se ligging in Noord-Kaap | |
| Koördinate: 31°11′S 24°57′O | |
| Land |  Suid-Afrika |
| Provinsie | Noord-Kaap |
| Distrik | Pixley ka Seme |
| Munisipaliteit | Umsobomvu |
| Oppervlak | |
| • Totaal | 10,2 km2 (3,9 vk. myl) |
| Hoogte | 1 494 m (4 902 ft) |
| Bevolking (2011)[1] | |
| • Totaal | 7 848 |
| • Digtheid | 769/km2 (1 990/vk. myl) |
| Rasverdeling (2011) | |
| • Wit mense | 3.7% |
| • Indiërs/Asiërs | 0.5% |
| • Bruin mense | 41.5% |
| • Swart mense | 54.0% |
| • Ander | 0.2% |
| Taal (2011) | |
| • Xhosa | 48.2% |
| • Afrikaans | 47.7% |
| • Engels | 1.5% |
| • Ander | 2.6% |
| Poskode (strate) | 5950 |
| Skakelkode | 049843 |
Die geskiedenis van Noupoort is nou verweef met dié van die spoorweë. In 1884 het die spoorlyn van Port Elizabeth na die noorde Noupoort bereik. Die plaas Hartbeeshoek is aangekoop om die stasie en dorp te bou. Die dorpie is vernoem na 'n spoorwegpas (oorspronklik Naauwpoort) wat deur die Carltonheuwels gegaan het maar later deur 'n tonnel vervang is. Die spoorlyn vanaf Port Elizabeth word via De Aar met Johannesburg, Kaapstad, Namibië en Zimbabwe verbind. In een stadium het 100 treine per dag deur die stasie beweeg, maar nadat die Spoorweë in die 1990's gerasionaliseer is, het die dorp agteruitgegaan.
Die distrik is 1 500 km2 groot en merinoboerdery is die belangrikste. Daar is ook Jerseystoeterye wat suiwelprodukte lewer.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
