From Wikipedia, the free encyclopedia
Murrayfield-stadion is 'n sportstadion in Edinburg, die hoofstad van Skotland en is die tuiste van die Skotse Rugbyunie. Dit het op 'n stadium die rekord gehou vir die meeste toeskouers by 'n rugbywedstryd met 104 000 wat die wedstryd tussen Skotland en Wallis in 1975 bygewoon het. Tans is die stadion se sitplek-alleen kapasiteit 67 800.
Murrayfield-stadion | ||
![]() | ||
Die Murrayfield-stadion in 2005 | ||
Ligging | Murrayfield, Edinburg, Skotland | |
---|---|---|
Koördinate | 55°56′32″N 3°14′27″W | |
Eienaar | Skotse Rugbyunie | |
Operateur | Skotse Rugbyunie | |
Kapasiteit | 67 144 | |
Oppervlak | Ondergrondsverhitte gras | |
Konstruksie | ||
Geopen | 1925 | |
Renovasie | 1995 | |
Boukoste | £50 miljoen (herkonstruksie) | |
Argitek | Connor Milligan | |
Huurders | ||
Skotse Rugbyunie Edinburgh Rugby (1996–) Edinburgh Sevens (2007–2011) Heart of Midlothian (2004–2007) Scottish Claymores (1995–2002) |
Murrayfield is geleë in die wes-einde van Edinburg naby Corstorphineweg, reg langsaan die Murrayfieldskaatsbaan en naby die Edinburgdieretuin. Dit is vernoem na die deel van Edinburg waarin dit geleë is, Murrayfield.
Die stadion het goeie vervoerverbindings met busse wat langs Corstorphineweg loop. Die naaste spoorwegstasie is Haymarket wat sowat tien minute se stap daarvandaan geleë is.
Die Skotse Rugbyvoetbalunie het die grond waarop die stadium gebou is gekoop en die eerste Murrayfield-stadion op 21 Maart 1925 ingehuldig. te vore is internasionale wedstryde by Inverleith gehou. Die eerste besoekers was Engeland, wat deur Skotland verslaan is om die nasie se eerste Vyfnasies Grand Slam te besorg.
Tydens die Tweede Wêreldoorlog is Murrayfield se grond aan die nasie beskikbaar gestel en is dit deur die Royal Army Service Corps oorgeneem wat dit as voorradedepot gebruik het. Gedurende die oorlogsjare het die gewapende magte sportowerhede daarin geslaag om leke jaar Skotland teen Engeland magte internasionale wedstryde te reël op 'n tuis-ene-weg grondslag. Skotland se tuiswedstryde is die eerste twee jaar by Inverleith gespeel voor dit in 1944 na Murrayfield terugverander is. In 1995 is Murrayfield teen 50 miljoen pond opgeknap en is spreiligte vir die eerste keer in die stadion se geskiedenis geïnstalleer.
Tans word Murrayfield meestal vir Skotse internasionale rugbywedstryde gebruik met al Skotland se Sesnasies wedstryde wat daar gehou word. Vanaf 2007 is Murrayfield ook die tuiste van die Edinburg 7's, die finale gebeurtenis in die jaarlikse IRR Sewes Wêreldreek in sewesrugby. Murrayfield is ook vir wedstryde tydens die Rugbywêreldbeker 2007 gebruik. Die stadium is ook al gebruik vir die Heinekenbekereindstryd soos wat die geval was in 2004-05 toe Toulouse Stade Français met 18-12 geklop het.
Benewens rugby word daar soms sokker op die stadion gespeel en die stadion is deur die nabygeleë sokkerklub Heart of Midlothian F.C. as die tuisveld vir hulle Europese veldtog in die 2006/2007-seisoen gekies aangesien Tynecastle nie aan UEFA-kriteria vir Europese sokker voldoen nie. Verder het Murrayfield ook Amerikaanse voetbal en rugby league wedstryde aangebied. Die stadion het ook al optredes deur rockkunstenaars soos David Bowie, U2 en die Red Hot Chili Peppers aangebied. In Julie 2005 is die finale Live 8-konsert, Edinburg 50 000 – The Final Push, met optredes deur onder andere James Brown, Texas, The Proclaimers en Travis in Murrayfield gehou.
Alhoewel dit 'n rugbyunionstadion is, het Murrayfield in 2000 en 2002 die Rugby League Challengebekereindstryde aangebied.
Jaar | Wedstryd | Span | Telling | Span 2 | Toeskouers |
---|---|---|---|---|---|
1991 | Poel 2 | Skotland ![]() |
47–9 | ![]() |
40 000 |
Skotland ![]() |
51–12 | ![]() |
35 000 | ||
Skotland ![]() |
24–15 | ![]() |
54 000 | ||
Kwarteindstryd 2 | Skotland ![]() |
28–6 | ![]() |
54 000 | |
Halfeindstryd 1 | Skotland ![]() |
6–9 | ![]() |
54 000 | |
1999 | Poel A | Skotland ![]() |
29–46 | ![]() |
57 612 |
Skotland ![]() |
43–12 | ![]() |
9 463 | ||
Suid-Afrika ![]() |
47–3 | ![]() |
4 769 | ||
Skotland ![]() |
40–0 | ![]() |
17 593 | ||
Kwarteindstryduitspeelwedstryd 3 | Skotland ![]() |
35–20 | ![]() |
20 000 | |
Kwarteindstryd 3 | Skotland ![]() |
18–30 | ![]() |
59 750 | |
2007 | Poel C | ||||
Skotland ![]() |
42–0 | ![]() |
31 222 | ||
Skotland ![]() |
0–40 | ![]() |
64 558 |
![]() |
Wikimedia Commons bevat media in verband met Murrayfield. |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.