From Wikipedia, the free encyclopedia
Mitochondriale DNS of mtDNS is klein, ringvormige DNS wat nie in die selkern voorkom nie, maar in die mitochondria. Die mitochondria bevat ook hul eie soort ribosome. Daar is honderde mitochondria per sel en hulle bevat elk talle sirkulêre chromosome. Hulle bevat almal dieselfde gene, maar dié is nie noodwendig identies nie. Volgens isodisomie is alle molekules van ’n sel identies; volgens heterodisomie is hulle nie identies nie. Die dubbelstringige mtDNA by die mens bevat 37 gene.
Die mitochondriale DNS word gewoonlik uitsluitlik van die ma oorgeërf en word dus nie deur sperma of stuifmeel oorgedra nie.
Gegewens van die moederlike oorerwing van mtDNS word in genografie gebruik om die verspreiding van die mens se voorouers (of eintlik voormoeders) in die prehistoriese tyd te bepaal. Volgens die Uit-Afrika-teorie stam alle mense wat vandag leef af van ’n enkele vrou, die Mitochondriale Eva genoem, wat sowat 160 000 jaar gelede in Afrika gewoon het. Van daar het een of meer groepe na die res van die wêreld versprei.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.