Lietuvos nacionalinis radijas ir televizija, kort LRT ("Litaue se nasionale radio en televisie"), is 'n nie-winsgewende openbare uitsaaikorporasie wat sedert 1926 radio- en sedert 1957 ook televisieprogramme in Litaue uitsaai en sy hoofkwartier in die hoofstad Vilnius het.
Die korporasie saai tans drie nasionale televisie- (LRT televizija, LRT Kultūra en LRT Lituanica, sedert 2014 ook LRT HD) en drie radiokanale (LRT Radijas, LRT Klasika wat op klassieke musiek fokus en en die jeugradio LRT Opus) uit en stel daarnaas ook satelliet- en aanlyndienste beskikbaar. Radio- en televisieprogramme word ook as podgooi-voere en in kabeltelevisie-netwerke van ander Europese lande versprei. LRT word deur die LRT-raad beheer. In 1993 het LRT by die Europese Uitsaai-unie (European Broadcasting Union, EBU) aangesluit.
LRT het tans sowat 650 medewerkers in diens, en sowat driekwart van sy begroting word deur die Litause regering gefinansieer. Advertensies is die tweede grootste bron van inkomste.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
