Kanadese Arktiese Argipel

Die Kanadese Arktiese Argipel (Engels: Canadian Arctic Archipelago; Frans: Archipel Arctique Canadien) is die noordelike eilandwêreld van Kanada. Dit is in die Arktiese Oseaan en wes van Groenland geleë. Die argipel het 'n oppervlakte van 1 424 500 km² en maak deel uit van die twee Kanadese gebiede Nunavut en die Noordwestelike gebiede. Dit word beskou as die wêreld se tweede grootste argipel ná die Maleise argipel en die grootste wat tot een enkele land behoort. In teenstelling met sy groot oppervlakte is dit min bevolk; net enkele eilande tel 'n aantal inwoners. Die eilande noord van die die Lancaster-sund en die Viscount-Melville-sund word as Koningin-Elizabeth-eilande saamgevat.

Kanadese Arktiese Argipel Inheemse naam: Canadian Arctic Archipelago / Archipel Arctique Canadien
Kaart van die Kanadese Arktiese Argipel
Geografie
Ligging	Noord-Kanada, Arktiese Oseaan
Koördinate	75°N 90°W
Totale eilande	36 563
Hoofeilande	Axel-Heiberg-eiland, Baffin-eiland, Banks-eiland, Bathurst-eiland, Bylot-eiland, Devon-eiland, Ellef-Ringnes-eiland, Ellesmere-eiland, Koning-William-eiland, Melville-eiland, Prins van Wallis-eiland, Prins-Charles-eiland, Prins-Patrick-eiland, Somerset-eiland, Southampton-eiland en Victoria-eiland
Oppervlakte	1 424 500 vk km
Administrasie
Kanada
Gebiede	Nunavut Noordwestelike gebiede
Grootste stad	Iqaluit (6 184)
Demografie
Bevolking	14 000
Bevolkingsgroepe	Inuïete
tweede grootste argipel ter wêreld

Die Kanadese Arktiese Argipel grens in die weste aan die Beaufortsee, in die noordweste aan die Arktiese Oseaan, in die ooste aan Groenland, Baffinbaai en Davis-straat, asook in die suide aan die Hudsonbaai en die Kanadese vasteland. Van Kanada se grootste eilande behoort tot die Kanadese Arktiese Argipel. Vername Kanadese eilande buite die Kanadese Arktiese Argipel sluit in Anticosti, Haida Gwaii, Newfoundland, Vancouver-eiland en Kaap-Breton-eiland.

Hoofeilande

Ligging van die Kanadese Arktiese Argipel

Eilande van die Kanadese Arktiese Argipel

Naam	Ligging*	Oppervlakte	Oppervlakte rang		Bevolking (2001)
			Wêreld	Kanada
Baffin-eiland	NU	507 451 km²	5	1	9 563
Victoria-eiland	NT, NU	217 291 km²	8	2	1 707
Ellesmere-eiland	NU	196 235 km²	10	3	168
Banks-eiland	NT	70 028 km²	24	5	114
Devon-eiland	NU	55 247 km²	27	6	0
Axel-Heiberg-eiland	NU	43 178 km²	32	7	0
Melville-eiland	NT, NU	42 149 km²	33	8	0
Southampton-eiland	NU	41 214 km²	34	9	721
Prins van Wallis-eiland	NU	33 339 km²	40	10	0
Somerset-eiland	NU	24 786 km²	46	12	0
Bathurst-eiland	NU	16 042 km²	54	13	0
Prins-Patrick-eiland	NT	15 848 km²	55	14	0
Koning-William-eiland	NU	12 516 km²	61	15	960
Ellef-Ringnes-eiland	NU	11 295 km²	68	16	0
Bylot-eiland	NU	11 067 km²	71	17	0
Prins-Charles-eiland	NU	9 521 km²	77	19	0

^* NT = Noordwestelike gebiede, NU = Nunavut

Verdere leesstof

• (de) Hans Frebold (2004). Geologie der Arktis (1ste uitg.). Stuttgart: Gebr. Borntraeger. ISBN 978-3-443-01053-9.

Eksterne skakels

• Wikimedia Commons het meer media in die kategorie Kanadese Arktiese Argipel.
• (en) "Arctic Archipelago". Encyclopædia Britannica. Besoek op 10 Mei 2020.
• (en) "Arctic Archipelago". The Canadian Encyclopedia. Besoek op 10 Mei 2020.