Juan Fernández-eilande
From Wikipedia, the free encyclopedia
Die Juan Fernández-eilande (Spaans: Archipiélago Juan Fernández) is ’n ylbevolkte eilandgroep in die Stille Oseaan wat afhanklik is van toerisme en visvangs. Dit is sowat 670 km van die Chileense kus af geleë en bestaan uit drie vulkaniese eilande: Robinson Crusoe-, Alejandro Selkirk- en Santa Clara-eiland.
Juan Fernández-eilande Inheemse naam: Archipiélago Juan Fernández | |
---|---|
Die hoofstad, San Juan Bautista, op Robinson Crusoe-eiland. | |
Geografie | |
Ligging | Stille Oseaan, Chili |
Argipel | Juan Fernández-eilande |
Totale eilande | 3
|
Administrasie | |
Sien teks. | |
Spesiale gebied | Juan Fernández-eilande
|
Hoofstad | San Juan Bautista |
Grootste stad | San Juan Bautista
|
Demografie | |
Bevolking | 900
|
Die eilande is hoofsaaklik bekend as die plek waar die agtergelate matroos Alexander Selkirk van 1704 af langer as vier jaar gewoon het – dit was vermoedelik die inspirasie vir Daniel Defoe se boek Robinson Crusoe.[1] Die meeste van die bewoners woon in die hoofstad, San Juan Bautista, aan die noordkus van Robinson Crusoe-eiland. Daar was in 2012 sowat 900 bewoners.
Die eilande is deel van Chili se Valparaíso-streek (wat ook Paaseiland insluit).