From Wikipedia, the free encyclopedia
Die Israeliese Akademie van Wetenskap en Geesteswetenskappe, met sy hoofkwartier in Jerusalem, is in 1961 deur Israel gestig om kontak tussen geleerdes in wetenskap en geesteswetenskappe in Israel te bevorder; om die regering te adviseer oor navorsingsprojekte van nasionale belang; en om uitnemendheid te bevorder. Dit bestaan uit 102 van Israel se mees vooraanstaande geleerdes.
 | Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Die akademie se hoofkwartier is langs die ampswoning van die president van Israel en die gebou van die raad vir hoër onderwys op die Albert Einstein-plein in Jerusalem.
Die akademie befonds wetenskapprojekte in geologie, flora en fauna; en fasiliteer die deelname van Israeliese wetenskaplikes aan navorsing in internasionale projekte, soos hoë-energiefisika by CERN en sinkrotronbestraling by die Europese Inrigting vir Sinkrotronbestraling.
In die geesteswetenskappe word geld verskaf vir navorsing oor die Hebreeuse Bybel, Talmoed, Joodse geskiedenis, filosofie, kuns en die Hebreeuse taal, prosa en poësie.
Die akademie administreer die Einstein-genootskappefonds, wat verhoudings tussen wetenskaplikes van oor die wêreld en in die Israeliese akademiese gemeenskap bevorder; die Israeliese Wetenskapfonds met 'n jaarlikse begroting van $53 miljoen en 'n aantal navorsingsfondse. Die akademie bedryf ook die Israeliese Akademiese Sentrum in Kaïro, wat Israeliese geleerdes help met navorsing oor Egipte en die Egiptiese kultuur, en samewerking met Egiptiese akademici bevorder.
Die Akademie het waarnemerstatus by die Europese Wetenskapstigting en uitruilprogramme met die Britse Royal Society, die Britse Akademie, die Sweedse Akademie en die Nasionale Navorsingsraad van Singapoer.
Wikimedia Commons het meer media in die kategorie Israeliese Akademie van Wetenskap en Geesteswetenskappe.Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
