Die Hoër Meisieskool Bloemhof is 'n sekondêre Afrikaansmedium skool vir meisies geleë in Kochstraat, Stellenbosch.
Die skool is die oudste Afrikaansmedium-meisieshoërskool in Suid-Afrika en die enigste in Kaapland. Dit is gestig in 1874 deur ds JH Neethling, prof NJ Hofmeyr en prof J Murray en formeel geopen op 26 Januarie 1875. Aanvanklik is die naam "Bloemhof" slegs gekoppel aan die koshuis omdat daar volgens ds J H Neethling "Bloeme vir die volk" gekweek word, maar in 1879 is die naam ook amptelik oorgedra na die skool. Bloemhof was eers Engels, maar in 1925 is die voertaal na Afrikaans verander. Die skool is aanvanklik gehuisves in die sierlike gebou in Ryneveldstraat, wat vandag bekend staan as die Eben Donges-sentrum, met onder andere Neethlinghuis en Erfurthuis as koshuise. In 1960 is na die huidige perseel met die skoolgebou, koshuis en sportgronde verskuif, wat in die afgelope paar jaar groot aanbouings gesien het.
Bloemhof se vernaamste voederskool is die Laerskool Eikestad (oorkant die straat). Haar broerskool is Paul Roos Gimnasium ('n paar honderd meter straat af) en haar susterskool is Rhenish Girl's High (op die perseel langsaan). Dié drie skole vorm 'n "minikampus" met 'n paar gedeelde akademiese vakke en opvoeders.
Die skool is hoog in aanvraag en daar is tans oor die 700 studente van graad 8 tot 12. Bloemhof is bekend vir uitmuntende akademiese, kulturele en sportprestasies. Sporte soos atletiek, tennis, swem, waterpolo, sierswem, hokkie en netbal word aangebied. Daar is, o.a., 'n skool koor (Accelerando), orkes, koerant (Fidelis), debat span en verskeie komitees wat leerders by betrokke kan raak. Studente kan ook drama, kuns en musiek as vakke neem. Duits, Frans of Xhosa kan as 2de addisionele taal geneem word.
Bloemhof is gegrond op Christelike beginsels. Die waardes wat onder haar leerders aangemoedig word, is: respek, omgee, integriteit, werksetiek en afgerondheid. Die skoollese is Semper Fidelis (Altyd Getrou).
Voormalige studente van die skool behou kontak deur middel van die Bloemhofbond. Reünies vind gereeld plaas.
Franco Barnard was die heel eerste hoofdogter van die skool wat 'n ingenieursgraad by die Noordwes Universiteit (NWU) behaal het.
- Marlene Dumas (1953), 'n Suid-Afrikaanse kunstenaar.
- Annie Hofmeyr, skrywer
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
