Hidrouliese kapasitansie

Die hidrouliese kapasitansie is in die plantkunde 'n maat vir die sukkulensie van vetplante. Dit is gedefinieer as die verhouding van die volumeverandering en die verandering in waterpotensiaal:

${\displaystyle C_{hidroulies}={\frac {\Delta V}{\Delta \Psi }}}$

Die grootheid se eenheid is ${\displaystyle {\frac {mL}{MPa}}}$

Dit is nogtans nuttiger en gebruikliker om die relatiewe hidrouliese kapasitansie te gebruik:

${\displaystyle C_{hidr,rel}={\frac {C_{hidroulies}}{V}}}$

Hierdie grootheid se eenheid is ${\displaystyle MPa^{-1}}$

Sukkulente plante het gewoonlik 'n hoë relatiewe hidrouliese kapasitansie. Hulle kan baie water opneem en opswel sonder veel toename van die waterpotensiaal.

Die selwand se modulus

'n Verwante grootheid wat soms aangewend word is die sel se volumetriese elastisiteitsmudulus ${\displaystyle \epsilon }$:

${\displaystyle \epsilon ={\frac {\Delta \Psi _{p}}{\Delta V/V}}}$

Hierde grootheid het die eenheid MPa en is amper die inverse van die relatiewe hidrouiese kapasitansie, maar niet heeltemal nie omdat ${\displaystyle \epsilon }$ strik 'n eienskap van die selwand is en nie van die selinhoud nie.

Bron

• Advances in Botanical Research, Volume 55 Jean-Claude Kader, Michel Delseny Academic Press, 2010, ISBN 0123808693, 9780123808691