From Wikipedia, the free encyclopedia
Die Hawker Tempest was 'n vegter-bomwerper wat deur die Britse Lugmag gebruik is tydens die Tweede Wêreldoorlog. Hierdie vliegtuig is ontwikkel uit die Hawker Typhoon. Die grootse verskille was dat die Tempest 'n langer romp gehad het en dat 'n verbeterde vlerk ontwerp gebruik is. Dit was gedoen om die Typhoon se swak klimvermoë en swak prestasie op hoë hoogtes te oorkom.
| Hawker Tempest | |
|---|---|
 | |
| Tipe | Vegvliegtuig |
| Vervaardiger | Hawker Aircraft |
| Ontwerp deur | Sydney Camm |
| Nooiensvlug | September 1942 |
| Status | Uit diens gestel |
| Hoofgebruiker | Britse Lugmag |
| Aantal gebou | 3 317 |
Vyf prototipes was beplan om al die verskillende motor konfigurasies te toets. Slegs drie is in diens gestel: Mk 11, Mk V en Mk VI. Vir die Ml II was die verkoeler geskuif van onder die motor tot in die voorste rant van die vlerke en die brandstof tenk uit die vlerke tot in die romp.
Die eerste Tempest wat gevlieg het was die Mk V, dit was in wese 'n verbeterde Hawker Typhoon en het September 1942 gevlieg. Hierdie vliegtuig was aangedryf deur 'n Sabre II motor terwyl die Mk VI met die Sabre V motor van 2340 perdekrag, toegerus was. Die Mk V het die kenmerkende verkoeler onder die motor ontwerp behou.
Na hulle take om Duitse treine en ander oppervlakte teikens te vernietig grootliks afgehandel was, was die Tempest gebruik om die V-1 vuurpyle te onderskep. Die Tempest was die vinnigste vliegtuig waaroor die Britse Lugvaart Ministerie beskik het en hierin het die Tempest uitgeblink. Dit het 638 V-1's tussen 13 Junie en 5 September 1944 onderskep.
Later, as deel van die 2de Taktiese Lugmag groep was die Tempest ingespan om die straalvliegtuig die Messerschmitt Me 262 te jag. Hulle het daarin geslaag om 20 van dié vliegtuie af te skiet.
Na die oorlog was die Tempest gebruik om teikens te trek en hulle was ook die RAF se standaard vegvliegtuig totdat dit deur die De Havilland Vampire in 1949 vervang is.
Die Tempest II het baie anders gelyk as die eerste model en was aangedryf deur die Centaurus motor van 2520 perdekrag. Hulle was veronderstel om in diens gestel word teen Japan maar die oorlog het tot 'n einde gekom voordat dit kon gebeur.
Die Mk II is in November 1945 in diens gestel en die meerderheid het oorsee diens gedoen. Drie Tempest II eskaders het in Duitsland diens gedoen vanaf 1946 tot 1948. Hulle was daar tydens die Berlynse Lugbrug vanaf 1948 tot 1949 as deel van 33 Eskader by die lughawe Gatow. 33 Eskader het later die vliegtuig in die Verre Ooste gebruik en hulle ook deelgeneem in aksie teen die Maleisiëse terroriste in 1950/1.
| Item | Statistiek |
|---|---|
| Aantal motore | 1 |
| Tipe motor | Skroef |
| Vervaardiger | Napier Sabre II 24 silinder |
| Kraglewering per motor | 2 180 perdekrag |
| Vlerkspan | 12,5 m |
| Lengte | 10,26 m |
| Hoogte | 4,9 m |
| Vlerkoppervlakte | 28,06 m2 |
| Maks. opstygmassa | 6 142 kg |
| Maks. snelheid | 686 km/h |
| Operasionele hoogte | 11 125 m |
| Togafstand | 1,191 km |
| Klimvermoë | 4,575 m in 5 minute |
| Bewapening | Vier 20 mm kannone in vlerke, voorsiening vir vuurpyle of 908 kg se bomme onder vlerke |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
