Hattingh is 'n familienaam wat algemeen tussen Afrikaners in Suid-Afrika voorkom.
 | Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Alle Hattinghs in Suid-Afrika stam van die oorspronklike stamvader, Hans Heinrich Hattingh (c. 1665) af. Hy is waarskynlik afkomstig van Spijer in Duitsland. Hy kom in 1685 na Suid-Afrika toe en vestig homself in 1709 op wat vandag bekendstaan as Spierlandgoed net buite Stellenbosch. Hy het ook twee ander plase, La Motte en Hadernas, besit. Hy trou twee keer. Hy trou op 19 Januarie 1689 met Marie de Lanoy, 'n Franse vrou en die weduwee van Ary Lecrévent. Sy eerste huwelik het geen nageslag met die van Hattingh nagelaat nie. Hy trou 'n tweede keer met Susanna Visser (gebore 30 Oktober 1695) en uit hulle huwelik word daar twee seuns gebore waaruit alle Hattinghs in Suid-Afrika stam.
Eerste seun
Die eerste seun is Christiaan Hattingh (gebore 5 Junie 1718) en dit is uit sy nageslag wat die Hattingh-familie van die Oos-Kaap stam. Hy trou met Anna Catharina Basson (gebore 1732) en hulle vierde kind is Johannes Hendrik Hattingh, wat op 28 Junie 1750 gebore word. Presies twee eeue later, op 28 Junie 1950, word Maria Magdalena Hattingh, een van sy nageslag, gebore. Hy trou met Maria Johanna Botha (geboortedatum onbekend) en hulle vierde kind is 'n seun, Johannes Frederik wat op 25 Desember 1783 gebore word. Hierdie naam, Johannes Frederik, word een van die familiename van die Hattinghs in die Oos-Kaap. Hy tree in die huwelik met Rachel Potgieter en hulle tweede kind, Johannes Frederik Hattingh, word op 27 April 1803 gebore.
Johannes Frederik trou met Anna Maria Stroh en hulle het 'n seun wat hulle Johannes Frederik noem. Hy is op 20 Januarie 1833 gebore. Hy tree in die huwelik met Engela Elizabeth Carolina Reynders en hulle oudste kind, 'n seun, word op 17 Maart 1853 gebore. Sy naam is ook Johannes Frederik.
Tweede seun
Johannes Frederik Hattingh trek weg uit Cradock en vestig hom in Cala waar hy op 65-jarige ouderdom tydens die griepepidemie van 1918 - 1919 sterf. Hy tree twee keer in die huwelik. Sy eerste vrou is Anna Catharina Botha (gebore in 1856) en hulle het saam 5 kinders. Sy tweede huwelik vind plaas iewers tussen 1892 en 1895. Hy trou met Aletta Johanna Botha wat hom agt kinders ryker maak. Aletta was die dogter van Hercules Johannes Botha en Aletta Johanna Botha wat op 11 Augustus 1873 in die NG Kerk op Dordrecht in die huwelik getree het. Johannes Frederik en Aletta doop hulle 8 kinders in die NG gemeente Elliot.
- Vier Hattings het aan die Slag van Bloedrivier deelgeneem.
- Die Hattingh-familie in Suid-Afrika. Hattingh, WHJ 1996 (2de uitgawe met indeks tot name).
 |
Hierdie bladsy bevat 'n lys van mense met die van Hattingh. As 'n interne skakel u hierheen gelei het, kan u oorweeg om die skakel te wysig deur die persoon se voornaam by die skakel te voeg. |
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
