Gilles Vigneault (* 27 Oktober 1928 in Natashquan, Quebec, Kanada) is 'n digter, verhaal- en liedjieskrywer en sanger.
Gilles Vigneault | |
---|---|
![]() Gilles Vigneault in 1989 in Natashquan | |
Agtergrondinligting | |
Gebore | 27 Oktober 1928 Natashquan, Quebec, Kanada |
Genres | Chanson (Franse liedkuns) |
Beroep(e) | Sanger, verhaal- en liedjieskrywer, digter |
Instrumente | Stem |
Jare aktief | 1960 tot hede |
Webwerf | gillesvigneault.com |
Vigneault, wat as die seun van 'n visser en 'n onderwyseres in 'n afgeleë nedersetting gebore is, het sy akademiese opleiding in Rimouski en Quebecstad ontvang. Nadat hy inspirasie uit die werke van digters soos Pierre de Ronsard, Victor Hugo, Émile Nelligan, Arthur Rimbaud, Charles Baudelaire en veral Paul Verlaine getrek het, het Vigneault besluit om self 'n loopbaan as digter en verhaalskrywer te volg.
![](http://upload.wikimedia.org/wikipedia/commons/thumb/2/2a/Natashquan.jpg/640px-Natashquan.jpg)
In sy literêre werke beskryf hy uitvoerig die lewensomstandighede van mense in sy geboortedorp Natashquan en sy omgewing - 'n nedersetting wat tot in 1996 nie per pad toeganklik was nie en dus op seevervoer aangewese was.
Daarnaas beywer Vigneault hom al lank vir die onafhanklikheid van Quebec en die Franse taal. Die reël van een van sy liedtekste, Mon pays ce n'est pas un pays, c'est l'hiver ("My land, dit is geen land nie, dit is die winter") het 'n vaste uitdrukking in Quebec geword.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.