George Eliot

Mary Anne Evans (* 22 November 1819, † 22 Desember 1880; alternatiewe spellings van haar voornaam soos "Mary Ann" of "Marian" kom voor), algemeen bekend onder haar (manlike) skuilnaam George Eliot, was 'n Engelse skryfster, joernalis en vertaler. Sy word as een van die voorste skryfsters van die Victoriaanse tydperk beskou.

George Eliot

Engelse skrywer, joernalis en vertaler

---

Gebore

as Mary Anne Evans
22 November 1819
op South Farm, Arbury Hall, Nuneaton,
Warwickshire, Engeland

---

Oorlede

22 Desember 1880
in 4 Cheyne Walk, Chelsea, Londen
Engeland

---

Literêre stroming

Victoriaanse literatuur

---

Bekende werke

The Mill on the Floss (1860)
Silas Marner (1861)
Middlemarch (1871-72)
Daniel Deronda (1876)

---

Eggenoot

John Cross (1880)

---

Lewensmaat

George Henry Lewes (1854-78)

Die meeste van Eliot se sewe romans, waaronder Adam Bede (1839), The Mill on the Floss (1860), Silas Marner (1861), Middlemarch (1871-72) en Daniel Deronda (1876) speel in landelike gebiede van Engeland af, en staan bekend vir hulle realisme en sielkundige insig. Sy het 'n manlike skuilnaam gebruik om, soos sy dit verduidelik het, seker te maak dat haar werke ernstig geneem word. Alhoewel die werke van vroulike outeurs in die Victoriaanse tydperk onder hul eie name gepubliseer is, het sy sodoende die stereotipe opvatting dat vroue slegs in staat sou wees om lighartige romanse te skryf probeer vermy. 'n Ander rede vir haar manlike skuilnaam was moontlik die wens om haar privaatlewe te beskerm en enige skandaal rondom haar liefdesverhouding met die getroude George Henry Lewes, met wie sy meer as twintig jaar saamgeleef het, te vermy.

Martin Amis en Julian Barnes het haar werk Middlemarch as die grootste roman in die Engelse literatuur beskryf. In elk geval word dié roman, saam met The Mill on the Floss, as 'n klassieke Engelse meesterwerk beskou.

Werke

Romans

• Adam Bede (1859)
• The Mill on the Floss (1860)
• Silas Marner (1861)
• Romola (1863)
• Felix Holt, the Radical (1866)
• Middlemarch (1871–1872)
  • "Quarry for Middlemarch", MS Lowell 13, Houghton Library, Harvard University ('n Digitale faksimilee uitgawe van die navorsingsnotas)
• Daniel Deronda (1876)

Kortverhaalbundels en novelles

• Scenes of Clerical Life (1857)
  • The Sad Fortunes of the Rev. Amos Barton
  • Mr Gilfil's Love Story
  • Janet's Repentance
• The Lifted Veil (1859)
• Brother Jacob (1864)
• Impressions of Theophrastus Such (1879)

Vertalings

• Das Leben Jesu, kritisch bearbeitet (The Life of Jesus, Critically Examined) Volume 2 deur David Strauss (1846)
• Das Wesen des Christentums (The Essence of Christianity) deur Ludwig Feuerbach (1854)
• The Ethics of Benedict de Spinoza deur Spinoza (1856)

Poësie

• Knowing That I Must Shortly Put Off This Tabernacle (1840)
• In a London Drawingroom (1865)
• A Minor Prophet (1865)
• Two Lovers (1866)
• The Choir Invisible (1867)
• The Spanish Gypsy (1868)
• Agatha (1868)
• Brother and Sister (1869)
• How Lisa Loved the King (1869)
• Armgart (1870)
• Stradivarius (1873)
• Arion (1873)
• The Legend of Jubal (1874)
• I Grant You Ample Leave (1874)
• Evenings Come and Go, Love (1878)
• Self and Life (1879)
• A College Breakfast Party (1879)
• The Death of Moses (1879)

Niefiksie

• "Three Months in Weimar" (1855)
• "Silly Novels by Lady Novelists" (1856)
• "The Natural History of German Life" (1856)
• Review of John Ruskin's Modern Painters in Westminster Review, April 1856
• "The Influence of Rationalism" (1865)

Eksterne skakels

• Wikiquote het aanhalings deur George Eliot.