Fraates V van Partië

Fraates V (Parties: 𐭐𐭓𐭇𐭕 Frahāt), ook bekend onder die verkleiningsvorm van sy naam, Phraatakes, was van 2 v.C. tot 4 n.C. die Arsakidiese koning van konings van die Partiese Ryk. Hy was die seun en opvolger van Fraates IV en Musa, wat saam met hom regeer het.

Fraates V 𐭐𐭓𐭇𐭕
Koning van konings, arsakes, groot koning
'n Muntstuk van Phraates V en sy moeder, Musa, gemunt by Seleukië.
Koning van die Partiese Ryk
Heerskappy	2 v.C. - 4 n.C.
Voorganger	Fraates IV
Opvolger	Orodes III
Gebore	19 v.C.
Oorlede	1ste eeu n.C.
Dinastie	Arsakiede
Vader	Fraates IV
Moeder	Musa
Religie	Zoroastrisme

Onder Fraates V het 'n oorlog gedreig om uit te breek tussen die Partiese en Romeinse ryk oor beheer van Armenië en Mesopotamië.

Hoewel Augustus sy aangenome seun, Gaius Caesar, gestuur het om Iran binne te val, het die twee kante in 1 n.C. 'n vredesverdrag onderteken, waarvolgens Armenië as deel van die Romeinse sfeer beskou is en Fraates V as die regmatige Partiese koning. In 4 n.C. het Fraates V en sy ma na Rome gevlug nadat die Partiese adel hulle verban het en Orodes III as koning gekroon het.

Skakels

• Hierdie artikel is in sy geheel of gedeeltelik uit die Engelse Wikipedia vertaal.

Voorganger ← Fraates IV

Fraates V

Opvolger Orodes III →