From Wikipedia, the free encyclopedia
Die Fehmarnsundbrug, 'n gekombineerde pad- en spoorwegbrug met 'n lengte van 963 meter, oorspan die seestraat Fehmarnsund en verbind sodoende die Oossee-eiland Fehmarn met die Duitse vasteland naby die dorp Großenbrode (Sleeswyk-Holstein). Die brug maak deel uit van die sogenaamde Vogelfluglinie, 'n roete wat die Noord-Duitse metropool Hamburg met die Deense hoofstad Kopenhagen verbind.
Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Die brug bereik 'n hoogte van 23 meter bo-oor die peilhoogte (of gemiddelde waterstand) van die Oossee en beskik oor 'n deurgang met 'n wydte van 240 meter en 'n vryhoogte van 23 meter bo seevlak vir die skeepvaart. Die brug is as 'n staalkonstruksie met 'n wydte van 21 meter (waarvan 6 meter deur die nasionale Duitse spoorwegmaatskappy Deutsche Bahn benut word) opgerig, en die spanwydte van die boogbrug, wat tot by 'n hoogte van 45 meter bo-oor die rylane verrys, bereik 248 meter. Die brugboog het 'n lengte van 268,5 meter.
Die Fehmarnsundbrug is deur die ingenieurs G. Fischer, T. Jahnke en P. Stein van die maatskappy Gutehoffnungshütte Sterkrade AG in Oberhausen-Sterkrade (Noordryn-Wesfale) as 'n netwerkboogbrug ontwerp en op 30 April 1963 ingewy. Vanweë sy kenmerkende vorm word dit soms ook die "langste klerehanger ter wêreld" genoem.
Die Fehmarnsundbrug het lankal een van die mees bekende bakens van die deelstaat Sleeswyk-Holstein en 'n gewilde motief vir baie toeriste, skilders en fotograwe geword en is in 1998 tot 'n nasionale monument verklaar.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.