FOSAGAMS
From Wikipedia, the free encyclopedia
From Wikipedia, the free encyclopedia
FOSAGAMS (Die Suider- Afrikaanse Federasie van Siersteen- en Mineralogiese Verenigings) is die oorkoepelende liggaam waarby al die klubs in Suider-Afrika wat met die versameling van minerale en sierstene en aanverwante aktiwiteite gemoeid is, geaffilieer is.
Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
In die jare sestigs het ‘n paar versiende persone besef dat daar ‘n behoefte is om al die klubs tot ‘n federasie te bind. Hulle het ook besef dat met die stigting van so ‘n federasie dit net tot voordeel van almal sal wees. Die federasie is op 3 September 1966 in Kimberley gestig. Die doelstellings van die federasie is om behulpsaam met die stigting van aardwetenskaplike klubs en verenigings te wees en om die belange van die stokperdjiegeesdriftiges in lapidêre- en minerale versamelings en alle aanverwante wetenskappe te bevorder.
Daar word een keer per jaar ‘n Jamboree gehou. ‘n Jamboree is wanneer al die klubs van oor Suider-Afrika gedurende die Paasnaweek bymekaar kom. Hierdie saamtrek word deur ‘n klub georganiseer en hulle neem ons dan na plekke wat vir die versamelaars van belang sal wees. Daar is al regoor die Suider-Afrikaanse landskap Jamborees onder andere in Jozini, Port Shepstone, Prieska, Groot Marico, Nelspruit, Swaziland, Lesotho, Uis (Namibië) aangebied. Om ‘n volledige prentjie van waar Jamborees al gehou is, te bekom.
Daar is tans klubs in Durban, Johannesburg, Kaapstad, Kimberley, McDougallsbaai, Nelspruit, Pietermaritzburg en Pretoria. Meeste van die klubs beskik oor werkswinkels waar die minerale en sierstene opgesny, gepoleer en verwerk word tot iets moois vir die lid. Lede kan kies of hulle stene in ‘n cabochonvorm wil slyp, of hulle hulle stene wil fasetteer of hulle net die klippe gewoonweg wil poleer. Hierdie produk kan hulle dan met silwersmeewerk nog verder verfraai.
Klubs / verenigings hou ook naweek- / daguitstappies na plekke wat naby aan hulle geleë is.
Die SAGM (Southern African Gem and Mineral Magazine) word drie keer ‘n jaar in digitale en in pdf.- formaat gepubliseer. Die tydskrifte tot en met 2006 kan op www.fosagams.com / Leestof / Tydskrifte gratis besigtig, afgelaai en uitgedruk word. Enige uitgawe na 2006 kan teen ‘n nominale bedrag by die FOSAGAMS tesourier ([]) bestel word.
FOSAGAMS organiseer verder ook toere na die buiteland waarvan Namibië die beste voorbeeld is. Opsommings, bladverwysings kan by www.fosagams.com /Toere gevind word. Foto’s kan ook hier besigtig word. Die bladverwysings neem jou na die volledige artikel.
Uitgebreide toere vind jaarliks na Vivo (Limpopo) asook Groot Marico plaas.
FOSAGAMS het ‘n bladsy op Facebook, is op Twitter en interessante uitgebreide inligting kan by www.fosagams.com gevind word.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.