Droompop
From Wikipedia, the free encyclopedia
Droompop is 'n tipe alternatiewe rock wat gedurende die middel 1980's in Brittanje begin vorm het toe groepe soos Cocteau Twins (Treasure), The Chameleons, The Passions, Arab Strap, Dif Juz, Lowlife en A.R. Kane (aan wie hierdie term toegeskryf word) begin het om postpunk- en eteriese eksperimente met bittersoet popmelodieë saam tevoeg om sensuele, sonies ambisieuse klankskappe te vorm.
Die essensie van die musiek is 'n fokus op eteriese teksture en buie, eerder as op voortstuwende rock-riwwe. Asemerige, hoë-register vroulike stemme of byna gefluisterde manlike stemme is gewoonlik die sangstyl; lirieke is normaalweg introspektief en eksistensieel van aard. Albumomslagte neig om uit waserige pastelbeelde en/of rou minimalistiese ontwerpe te bestaan. Die bekendse platemaatskappy wat met die droompopgenre geïdentifiseer word, is 4AD, alhoewel ander uitgewers soos Creation, Projekt, Fontana, Bedazzled, Vernon Yard en Slumberland ook noemenswaardige vrystellings in hierdie genre uitgereik het.