From Wikipedia, the free encyclopedia
Die Dinastie van Nikephoros was ’n familie wat vir ’n kort rukkie oor die Bisantynse Ryk regeer het, van 802 tot 813. Ná die afsetting van keiserin Irene het die troon gegaan na die stigter van die dinastie, Nikephoros I, wat Irene se minister van finansies was. Die ryk was in ’n swakker toestand as wat dit in ’n lang tyd was en die finansiële posisie was benard. Nikephoros het die belasting baie verhoog en was dus ongewild. In 811 het hy Bulgarye binnegeval en die hoofstad geplunder, maar met hul terugkeer is die Bisantynse leër in ’n lokval gelei en Nikephoros sterf.
Dinastie van Nikephoros | |
---|---|
Tydperk | 802-813 n.C. |
Keisers | Nikephoros I Staurakios Michael I |
Voorganger | Siriese Dinastie |
Opvolger | Leo V en die Frigiese Dinastie |
Hy is opgevolg deur sy seun, Staurakios, maar dié is ook erg in die lokval beseer en ondersteuners van sy swaer, Michael I Rangabe, het hom gedwing om te abdikeer ten gunste van Michael.
In 813 het Michael se leër weer die Bulgare aangeval en is hulle verslaan. Dit het die keiser se beeld groot skade berokken en hy het ten gunste van Leo V geabdikeer en ’n monnik geword. Sy seuns is gekastreer en na kloosters gestuur.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.