![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/af/thumb/6/63/Die_Stempastorie_Simonstad.jpg/640px-Die_Stempastorie_Simonstad.jpg&w=640&q=50)
Die Stem van Suid-Afrika
Die ou stem van Suid Afrika / From Wikipedia, the free encyclopedia
Die Stem van Suid-Afrika, ook bekend as Die Stem, was vanaf 1957 tot 1994 die nasionale volkslied van Suid-Afrika. Vanaf 1994 tot 1997 is dit as een van twee volksliedere erken. Dit was ook die volkslied van Suidwes-Afrika onder Suid-Afrikaanse mandaat tot hulle onafhanklikheidswording in 1990, waarna Namibië, Land van die Dapper in 1991 as die volkslied aangeneem is.
![Thumb image](http://upload.wikimedia.org/wikipedia/af/thumb/6/63/Die_Stempastorie_Simonstad.jpg/640px-Die_Stempastorie_Simonstad.jpg)
![Thumb image](http://upload.wikimedia.org/wikipedia/af/thumb/8/85/Die_Stempastorie_Simonstad_gedenkplaat.jpg/640px-Die_Stempastorie_Simonstad_gedenkplaat.jpg)
![Thumb image](http://upload.wikimedia.org/wikipedia/af/thumb/8/8f/Die_Stem_1.jpg/640px-Die_Stem_1.jpg)
![Thumb image](http://upload.wikimedia.org/wikipedia/af/thumb/d/d6/Die_Stem_2.jpg/640px-Die_Stem_2.jpg)
Die Stem is in 1918 deur C.J. Langenhoven geskryf, en getoonset in 1921 deur ds. M.L. de Villiers, destydse leraar van die NG gemeente Simonstad. Dit is op 31 Mei 1928 die eerste keer in die openbaar gesing, toe die vlag van die Unie van Suid-Afrika die eerste keer amptelik gehys is. Die Suid-Afrikaanse regering het dit op 2 Mei 1957 as die amptelike nasionale volkslied verklaar.[1]