From Wikipedia, the free encyclopedia
Die Departement van Finansies is die staatsdepartement wat verantwoordelik is vir die opstel van 'n land se begroting en die invordering van belasting. Die minister van finansies werk nou saam met ander kabinetslede om te bepaal wat die prioriteite van die regering is, en dus hoeveel geld elke departement en elke projek moet kry om te bestee.
Die department se taak is ook om die ekonomiese groei van die land in ag te neem. Wanneer 'n land se ekonomie stadig groei, of in resessie is, kan die minister, in oorleg met die res van die kabinet, besluit om staatsbesteding te verhoog. Hierdie soort besluit (wat die invloed van staatsbesteding op die ekonomie in ag neem), word fiskale beleid genoem.