From Wikipedia, the free encyclopedia
Datsun is 'n handelsmerk van die Japannese motorvervaardiger Nissan.
In 1931 het The Motorcar Co. sy nuwe klein model "Datson" bekendgestel, 'n naam wat moes aandui dat die nuwe motor kleiner was as die motormodel wat reeds deur DAT vervaardig is. Toe Nissan in 1934 DAT oorgeneem het, is die naam "Datson" verander na "Datsun", want "sun" (損) beteken ook seun in Japannees.
Die naam Datsun het internasionaal bekend geword vir die Z-reeks sportmotors en die kompakte Cherry. Van 1958 tot 1986 het slegs Nissan-motors vir uitvoermarkte die Datsun-benaming gedra. In Maart 1986 het Nissan die Datsun-handelsnaam uitgefaseer, maar dit in Junie 2013 weer bekendgestel as 'n laekoste-handelsmerk wat vir ontluikende markte vervaardig is.
Op 20 Maart 2012 is aangekondig dat Nissan die Datsun-handelsmerk sou laat herleef as 'n goedkoop motorhandelsmerk vir gebruik in Indonesië, Suid-Afrika, Indië en Rusland, en op 15 Julie 2013, byna drie dekades nadat dit uitgefaseer is, was die naam formeel heringestel. Volgens Nissan sal die betroubare reputasie van die handelsmerk help om die markaandeel in ontluikende markte te verkry.
Wikimedia Commons bevat media in verband met Datsun. |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.