Titus Flavius Clemens, Grieks: Klemes Alexandreus, Κλήμης Αλεξανδρεύς (* omtrent 150 in Athene; † omtrent 215 in Alexandrië), was 'n Griekse teoloog en Christelike skrywer wat vandag as Clemens van Alexandrië bekend staan.
Clemens van Alexandrië | |
|---|---|
 | |
| Gebore | ca. 150 miskien Athene |
| Sterf | ca. 215 onbekend |
| Beroep | Teoloog |
Clemens het aanvanklik die Platoniese en Middel-Platoniese filosofieë bestudeer en uiteindelik belang gestel in die Christendom. Hy het vanuit sy geboortestad Athene na ander Griekse gebiede, Onder-Italië en Egipte gereis waar hy deur Christelike leraars onderwys is. Omtrent 175 het hy 'n dosent by die Kategeteskool van Alexandrië en omtrent 200 die skool se hoof geword. Hy het die grootste deel van sy latere lewe in Alexandrië gebly.
Clemens het baie moeite gedoen om Christendom en Griekse wysbegeerte in ooreenstemming te bring. Sy werke bevat baie inligting oor die Gnostisisme, 'n religieuse stroming wat destyds 'n strawwe mededinger van die proto-ortodokse Christendom was. Sy leerling Origenes het sy opvolger as hoof van die Kategeteskool geword.
Clemens was gedurende die hele laat antieke tydperk en later nog in die ooste hoog geag; sy werke is tydens die Middeleeue egter nie in Latyn vertaal nie. In 1748 het Pous Benedictus XIV hom uit die Roomse heiligekalender laat skrap omdat daar min oor sy lewe bekend was, daar nie sprake kon wees van 'n openbare verering nie en sy leerstellings vir die Rooms-Katolieke Kerk twyfelagtig was. Dit is dus omstrede of hy by die kerkvaders gereken moet word.
Aan Clemens word 'n brief toegeskryf wat aan ene Theodoros gerig was en waarmee hy tekste uit die Geheime Evangelie van Markus aan hom gestuur het. Hierdie geskrifte was gemik op gevorderde gelowiges en lewer onder meer bewys vir Jesus van Nasaret se homo-erotiese verhoudings.[verwysing benodig]
In sy trilogie Protreptikòs eis toùs Héllenas (Vermanende rede aan die Grieke) weerlê Clemens die heidendom en doen 'n oproep tot bekering.
In sy werk Paidagogós (Die opvoeder) behandel Clemens Christelike etiek, net soos die klein skrif Quis dives salvetur (Watter ryke sal gered word).
In sy hoofwerk Stromateis (Tapyte) behandel hy dogmatiese vrae en religieus-filosofiese onderwerpe. Die titel verwys na die manier waarmee Clemens verskillende onderwerpe met mekaar verweef het.
- André Méhat: Clemens von Alexandrien. In: Theologische Realenzyklopädie. Boekdeel 8. Berlyn: De Gruyter 1981, bl. 101-113 (oorsig). ISBN 3-11-002218-4
 |
Wikimedia Commons bevat media in verband met Clement of Alexandria. |
- BBKL BBKL Inskrywing (met Literatuurverwysings) in die Biographisch-Bibliographisches Kirchenlexikon (Duits)
- Werke (net in Engels beskikbaar)
- Clemens und Satan: A Critique
 |
Wikiquote het aanhalings in verband met Clemens von Alexandria |
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
